بعد ما حدث وما يحدث فى البلد
يجب على كل شارع بالقريه أو ناحية أو منطقة أو عائلة قريبة أن يتجمع الشباب ويقسموا انفسهم لحماية اهاليهم ولو شك أحد فى تكتك ماشى أو سيارة غريبة يوقفوها ويطمئنى على اللى جواه
زمان كنا نمشى فى البلد مفيش حد مش عارفينه حتى لو مش عارفه شخصيا هتكون عارف اخوة او اهلة او عائلتة
البلد بما فيها من خبرات كفيلة لحل مشكلة الامن
الكشفيين والمتعلمين والمثقفين
وربنا يعدى المرحلة اللى جايا على خير
فكرة للنقاشش

والله ياجماعة احنا اطيب بلد واحسن بلد ولاكن الى حصل دة من قلة ذات النفوس الضعيفة وربنا
يحمى البلد ويطهرها منهم والمهم كل واحد يجب مراعة ابنه وبنته قبل كل شى
اما اهل الشباب ذات سن الرعونة يجب متابعتهم جيدا ويجب يسال متى خرج ومتى عاد الى البيت واتقوا الله فى اولادكم
والله انا بكتب وربنا يعلم بيا ومابداخلى من اى سوء يمس اى فرد او اسرة فى شباس عمير
والله المستعان

اوافق حمدون فى رايه انه لازم يكون هناك وقفه ولجان شبابيه من شباب الخير لمواجهة الظاهرة الغريبه من شباب بلطجيه وبانجو وحشيش واى حد مشتبه فيه يتسلم واللى ابنه يتمسك فى حاجة زى دى لا يلومن الا نفسه

موافق على اية يااستاذ محمدبلد اية وبلد مين الى بتتكلم عنها دى بلد الوزير يعنى اولادها لهم حماية ميبتوش فى تخشيبة سواء كان توك توك او مخدرات وربنا يكتر من خدماتك ويخليك دايما لولادك لانة دخل فى هذا العهد دين جديد فرق بين المرا وزوجة وبين الاخ واخية وبين الابن وابية لنل اللة لنا اللة لنا اللة كما قال فى كتابة الكريم ان اللة لا يغير مابقوم حتى يغيرو مابانفسهم ارجوكم حكمو العقول قبل ان نصبح ياجوج وماجوج اخرى وحسبنا اللة ونعم الوكيل

طيب واهى دى النتيجه يعنى الموضوع مش موضوع وزير بقه الموضوع عاوز كل واحد يتقى الله فى بيته وفى اولاده ويغير من نفسه او بمعنى اصح يحترم نفسه ويحترم الناس
والله يا ابوسلمى ما نقدر نقول الا ربنا يعديها على خير ويسترها الايام الجايه

الكلام دا كان زمان يا أبو سلمي وسلملي علي الوزير هو اللي كبرهم علشان يلاقيهم وقت الحاجة

يا أخوانى وأحبابى فى الله انا بتفق مع الاستاذ محمود زعلوك إحنا بلد زى مهى أكبر بلد هى كمان أطيب بلد على مستوى الجمهوريه مش هقول على مستوى كفر الشيخ وناسها تعرف الاصول كويس وتعرف ايه الشرف والامانه وتعرف امتى تجتمع مع بعضها فى الشدائد .
يا جماعة الخير إحنا ليه دايما بنحور المواضيع وننسبها لفلان ولا علان بالشكل ده وزير ايه وغفير ايه اللى نتو بتتكلموا عنه . إحنا فيه ولا فى ايه .
أستاذ حمدى أنا من أشد المعجبين بمواضيعك القيمة اللى كلها مفيده وهادفه لكن لأول مرة بشوفك تكلم بنظرة السياسة التعصبيه اللى انت والكل بينادى بعدم اتباعها .وإنت برده أبو سلمى أنا مش بختلف معاك إن فيه ناس دخلت الحجز وكان المفروض متطلعش لكن أهالى الناس متحملتش أولادهم يقعدوا فى الحجز لحظه واحده وراحوا اترجوا الوزير عشان يطلعهم من الحجز زى ما أنا وأنت وكل واحد فى البلد ميرضاش إن أخوه أو أبنه يقعد فى الحجز لحظه واحده حتى لو كان ممسوك تحرى .
فرجااااااااااااااء يا أحبائى احنا أساسا فى فاجعة فريده من نوعها فى شباس وأنا متأكد 100% إن صاحب العامله دى مش من البلد أو أصوله مش من البلد فيعنى نتكلم عن الموضوع . وزى ما الكل مسك فى موضوع المخدرات على أنها الدافع الاساسى فى الجريمة وكأنى فعلا بتابع فيلم أجنبى وسايبين أسياسيات أهم زى بيئتهم اللى تربوا فيها وإيه اللى وصلهم للمخدرات وأنا أعتقد إنه للحين مثبتش إن اللى قتلها دافعه الحقيقى كان ايه .
يا جماعة بالله تقبلوا مرورى ودا مجرد راي ووجهة نظر

حمدي توفيق السعدني كتب:

الكلام دا كان زمان يا أبو سلمي وسلملي علي الوزير هو اللي كبرهم علشان يلاقيهم وقت الحاجة

مع احترامى لك يا استاذ حمدى كلامك منطلق من سياسة لو اتباعنها مش هنضف البلد واعتقد ان اهل شباس معروفيين فلو كلنا اتبعنا نفس التعليق ده مش هنتفق عمرنا وهنفضل مختلفين لان اظن مش لو واحد طلق مراته يبقى نرمى السبب على واحد ...
بسم الله الرحمن الرحيم " ان الله لايغير ما بقوم حتى يغيروا ما بأنفسهم " صدق الله العظيم

شكرا يا ابو محمد على الفكرة دى وانته عارف اهل شباس قمة فى الطيبة والاحترام الا مجموعة قليلة معروفيين فاعتقد ان المرحلة ال جاية دى بداية نهايتهم وانهم هيتعدلوا ويتصلح حالهم ولازم نتكاتف مع بعض لكن لو فكرنا من منظور سياسى يا استاذ حمدى مش هنفق وهنفضل متفرقين واسف للاطالة وعلى ما اعتقد هناك اشخاص كل غرضهم هو تشويه صورة ناس وباين من تعليقاتهم المتكررة ..
قال تعالى : وماربك بظلام للعبيد "

ليس هناك تعليق افضل ولا اروع من الذي كتبه اخي الحبيب الاستاذ(كمال الدين)
لانه كتب الحقيقة المجردة بدون زيف او خداع وهو واقع الحال فعلا
اما من يعلق علي شماعة الغير ويفتري علي الناس ظلما وبهتانا فندعوا الله لهم بالهداية والشفافية لان الانسان منا تكون كلمته حجة له او عليه فالرجل يلقي بالكلمة
لا يلقي لها بالا تهوي به في النار سبعين خريفا فما بالكم اذا كانت هذه شهادة في حق شخص حتي وان اختلفت الرؤي السياسية
تحية لكل الاعضاء الافاضل ومعا من اجل محاربة سرطان هذا العصر (المخدرات بكل اشكالها والوانها)

حاش للة ان نعلق الاخطاء على شماعة الغير ولكن العامة يعرفون قصة الخضر وسيدنا موسى عندما قتل الغلام الذى سوف يعق والدية ولم يسجنة فان كان الاباء لايتحملو ان يقض ابنائهم يوم واحد فى السجن لاتجار فى المخدرات او اغتصاب الفتيات ولم نفكر فى عرض اساس المشكلة فشكرا لكل من ضحى وساهم و اهناكم على فكرة المنتدى وانة شى لشغل وقت الفراغ واهو كلام ابن عم حديت وارجو ان يسامحنى كل من اسات الية وانتظر من شباب المنتدى الواعى المثقف عرض حلول جزرية بعيد عن السياسة ويريتها تيجى على السياسة وابشركم بسماع اقاويل جديدة تمس الاعراض وهى دى المدينة الفاضلة بلدنا ربنا يقويكم