سؤال وجيه ورؤيه ثاقبه يا ابو محمود لكن احنا طبعا ما لحقناش الفتره اللى طرحها المسلسل بس بعد سؤال الاباء والاجداد عن الاحداث يعنى مثلا حادث المعركه بين البلد وعزبة العرب وبناء المستشفى واحداث كتير فى المسلسل كلها صح بس خيال الكاتب سرح شويه فى تجسيد الشخصيات لان الاعمال اللى طرحها الكاتب ونسبها لبعض شخصيات المسلسل غير حقيقيه بالمره وفيه مبالغه كبيره من الكاتب فى تعظيم بعض الشخصيات وده مش كلامى ده كلام ناس عايشت تلك الحقبه او سمعو عنها زينا برده

شكرا يا ابو امنية
انا برده سألت عليها ملقتشي اي دور للشخصيات بالعكس قالولي كانوا ناس طيبين وفحالهم

ابو محمود احيك على النقد بتاعك
وانا رأيى ان ده خيال مؤلف بالرغم انه مزج اسماء حقيقيه باحداث وهميه ولكنه كان يريد ان يرسل رساله مهمه وعميقه استحق ان يأخذ عليها جائزة الدوله التشجيعيه .وهى وجود رمز حقيقى وقوى يحترمه الناس ويقدروة لان هذا الرمز كان الدرع والسيف لهذه الاسرة الرمز الذى كنت تراه قاسى وعنيف عندما يخطأ احد وتراه حنون عطوف وقت اللزوم وتراه صلب عنيد وقت الشدة وحكيم وعاقل وماكر عندما يستلزم هذا وكان هذا الرمز هى فاطمه تعلبه المرأة الاميه التى لم تدخل المدارس ولكنها تعلمت وتخرجت من مدرسه الحياة فكان المؤلف بديع فى نسج خيوط الروايه وكان لديه انتماء لقريته عندما اقحم اسمها واسماء عائلاتها بهذا العمل الدرامى بالرغم انه ضخم دور بعض العائلات وتجاهل عائلات اخرى ولكن لا نلومه فهذا عمل درامى ليس الا
وشكرا مرة اخرى

شكرا لك صدقي العزيز حسام علي النقد والتحليل

سؤال يطرح نفسه فعلا يا ابو محمود هل كان هناك امرأة ذات شخصية قوية وكيان عظيم فى هذا الوقت ام ان لقصة مبالغ فيها لدرجة كبيرة ؟؟

طبعا لا
ولكن خيال الكاتب

خيلة
كدا
طبعا
لسبب بسيط
حبة للشخصية
كل الاسماء بالمسلسل
صحيحة
والباقى من الاحداث
كلة نتش
وهى دراما

السلام عليكم
أ/خيرى شلبى لما كتب هذة القصة لم يكن فى مخيلتة
عائلات كبيرة وعائلات صغيرة
ولم يكن يقصد ان هناك شخصيات كبيرة واخرى ليس لها قيمة
ولكن الرجل ابدع فى دراميتة عن الأسر المصرية فى القرى
وخاصة دور الإم المحورى داخل اى اسرة فى القرية المصرية
وأحب أوضح للأخوة اللى تفانو فى التوضيح والتجريح
ان أ/خيرى شلبى نفسة لما كان بيتجول مع صديقية فى القرية
كان بيشوف اى ورقةعلى الأرض كان لازم يقراها 0
أما بالنسبة للسيد/ اللي بيقول دول كانو بيعمولوا بالأجر
على أساس ان باقى العائلات من الطبقة الأروستقراطية
يا أخى من منا لم يعمل بالأجر فلكل عملٍ أجر
ولكن من يعاب علية من يعمل بالكذب أويعمل الجرم!!!!
وأخيراً وليس آخراَ لا فرق بين أعجمى وعربى الا بالتقوى 0
وشوف نتاج اللي بيعملوا بالأجر
عقبال ولادك طلع منهم أ/خيرى شلبى
والواضح كدة ان مفيش فايدة ونستاهل اللى احنا فية وألف الف الف مبروك 0
وتحياتى للجميع،،،،،،،،،،،،،،،،،،،،،،،،،،،

أعتقد ان فيه احداث كتيرة حقيقية موجودة بالفعل فى المسلسل...
ولكن خيال المؤلف زاد شوية لاحكام وتطويل السيناريو والحوار

ولكن طبعا لا اعتقد ان كان فيه شخصية اصلا بالتحكم ده كله .. مع احترامى للقديرة هدى سلطان لانها جسدت الشخصية كدراما كيجب ما تكون

ولكن مثلا :
بالنسبة للسيدة فاطمة تعلبة....... لم يكن اسمها كذلك.. ولكن كان اسمها كما يقال اها ( فاطمة نوحا )

وكانت ست شديدة جدا ولكن على زوجها واولادها فقط وليست المتحكمة فى بلد كاملة .. لانه اكيد كان فيه رجالة هى اللى بتحكم البلد

...


قشطة

اتفق معك حبيب قلبى عادل باشا بقوش وعجبنى اوى تعليقك وان كان بيدل على عقليه متفتحة وذات خبره وميه ميه يا احمد بيه يا اخويه فعلا المسلسل كسياق درامى وقصة تليفزيونيه ممتاز جدا ولكن الناس فى شباس تناولت المسلسل على انه بيحكى تاريخ البلد ولكن الاستاذ خيرى شلبى (عكاشه ) كان لازم يزود الاحداث شوية عشان قصة المسلسل وكان خياله بعيد شويتين عن الموضوعيه فى تاريخ عيلته مع كامل الاحترام ليه وشرف لشباس انه يكون من ولادها واحد من اكبر ادباء الشرق الاوسط

قشطة

الاخوة الرجاء الهدوء

الاخوة الرجاء الهدوء

الاخ سعيد طبعا كل اهل البلد اخوة واحباب ويربطهم نسب وهات عيلة واحدة بالبلد مافيش بينهم نسب ورباط وطبعا يااخ عبدالفتاحكان لازم تبلغ ادارة المنتدى باللى انكتب وتبدى حسن النية والعموم كل عائلات البلد اخوة واحباب

ولا داعى للزعل وانتقادنا لبعض

شاكر لجميع الاخوةتحياتى




ونامل من الاخ سعيد والاخ عبدالفتاح خاصة عدم الزعل وامل من ادارة المنتدى قفل النقاش بخصوص المسلسل
ولكم

مسلسل جميل جدا

مسلسل جميل جدا

بصراحة أنا بأستمتع بالمسلسل ده جدا جدا جدا وبأحس بالفخر لما بأسمع أي كلمة تدل على مكان في شباس عمير أو أي كلمة من كلامنا الخاص بينا مثلا يوسف شعبان لما يقول ( إقعد عوج واتكلم عدل ) ولما اللي قايم بدور يوسف البسيقي بيقول جامع العقاوله بدلا من العقالوة ساعتها بأشعر إن فيه شئ أنا بس اللي أتميز بيه عن كل مصر .
صحيح إن المسلسل تناول قضايا الفقر والفاقة في شباس عمير خلال فترة الإحتلال وعلى فكرة خيري شلبي مش بس هو اللي بيكب هذه القصص ولكن يشترك معه فيها الأستاذ عبد الصمد أبو سليمة

يا محمد يا عرفه ممكن نشغلك ناقد ومحلل مسلسلات ولا ايه ؟ يا اخويه مين اللى قالك ان المسلسل فيه حاجات كتير ليست حقيقية ابوك ولا ابوك الحاج درويش ؟ هههههههههه انا بهرج معاك يا حماده حبيبى انا والله ما قرأت الا تعليقك انت واحمد بقوش والاستاذ محمود حشله بس قرأت تعليقك علشان اضحك بس وخلاص وحشنى والله مش هتروح تعمل عمره قريب نشوف بعض حتى ولا ايه ؟