لازم الاعتصام ينفض ولازم العجله تمشى
كفايه خراب
ولازم يكون عندنا ثقافه اعلى
الحال مش هينعدل فى يوم وليله
احنا صبرنا ثلاثين سنه نصبر سنه كمان ونشوف
وفكرة تغير الحكومه كل شويه فكرة فاشله
وفكرة انى اجيب حكومه تسير الاعمال افشل و افشل
وفكرة انى اغير محافظين دلوقت لمدة ثلاثه شهور او اربع شهورفكرة افشل
مهو انت متحطنيش على الكرسى وتقولى بعد اربع شهور هتتغير انت كده بتشلينى فى الكرسى
ومش هقدر اعمل حاجه كلها ثلاثه شهور وماشى هعمل ايه خليها ماشيه زى ما هى ماشيه
مش عارفين نلاحقها منين ولا منين مهو علشان نتقدم لازم خطه خمسيه او على الاقل نحط اهداف ونشوف محتاجه ايه ومده قد ايه علشان تتحق
يعنى عملين زى اللى بيرقصوا على السلم
لاحنا صابرين على الحكومه ومستعجلين الاصلاح
ولا احنا راضين عن الوزراء والمحافظين اللى موجودين
طب وبعدين مهو لازم نقف على ارض ثابته ومن خلالها نتحرك يعنى لازم اثبت حكومه واسيبها تشتغل ونقيم ادائها بعد فترة
لازم العجله تمشى
مش كل شويه مظاهرات واعتصامات العجله اترقعت كتير هيجلها وقت مش هنلاقى مكان نحط فيه رقعه وهتنفجر وهتخرب
وساعاتها لا هتفيد مظاهرات ولا اعتصامات لانها هتبقى سداح مداح ارجوكم خلى العجله تمشى المهم توصل وبعدين نشوف الاصلح ونثبته والاطلح ونشيله
المهم انها توصل
