عملت مقارنة بين شيطان الجن..وشيطان الأنس....لقيت أيه بقى..؟
أكتشفت أن شيطان الجن غلبان قوى وضعيف جدا..أما شيطان الأنس اللى بنحتار فيه لأنه متسلط ومتجبر...معقول؟
_شيطان الجن واضح وصريح وعنده هدف لايكل ولايمل لتحقيقه وعنده اصرار وعزم وصبر وأخلاص لتحقيق غايته أغواء بنى البشر..والوسوسة اليهم للبعد عن دينهم وألهائهم عن عبادتهم..وطبعا النفوس الضعيفة هى اللى بتنجرف وتسقط ليفوز الشيطان ويفرح لتحقيق هدفه.
_ أما شيطان الأنس مش عارف اقولكم أيه عنه..؟
لما بيقع تحت براثن الشيطان بيتحول لكل الصفات السيئة وبيجتهد لزيادتها..بتتشال من قلبه الرحمة..بيبعد عن دينه وعبادته اللى المفروض انه خلق للعبادة..بيكذب وينافق ويخون ويعيش لملذاته فقط لأنه غالبا بيبقى انانى..متسلط جبار مقامر غدار..يعنى كل الصفات السيئة ده اللى اكتسبها للوصول لأهدافه الشخصية اللى دايما بتكون دنيئة..لايتورع بالحلف كذبا بخالقه..ينسى تعاليم دينه والصفات الحميدة التى يجب ان يكون عليها العبد تجاه خالقه.
_المفروض خوفنا يكون من مين..شيطان الجن ولا شيطان الانس..؟
طبعا لاخوف من شيطان الجن..لأنه ببساطة اى انسان مؤمن سوى قريب من ربه مخلص فى عبادته لله ونفسه قوية وغيور على دينه..بمجرد أية من كتاب الله عز وجل كفيلة باحراق الشيطان من وسوسته لأنه اضعف مايكون عليه امامك يامؤمن.
_ الخوف كل الخوف من شياطين الأنس لأنك لاتأمن من أذاهم..أنهم بعدوا عن دينهم جدا وتفوقوا على شياطين الجن بمراحل لدرجة لاتنفع معهم الهداية..قلوبهم قويت بالباطل..أستحلوا الحرام..عاشوا لشهواتهم وتحقيق كل ماهو شاذ عن تعاليم الانسانية.
