المدرسة الاعداية

قام اليوم معلمين مدرستى الشهيد ياسر فريج عيسوى حامد الاعدادية ومدرسة شجرة الدر الابتدائية باضراب عام وعدم والامتناع عن دخول الفصول وقام معلمى مدرسة عبدالله بن النديم بالاضراب امس نظرا لانها تعمل يوم السبت بخلاف جميع المدارس .
وقد حضر مدير الادارة التعليمية و وكيل وزارة التربية والتعليم بكفر الشيخ لحث المدرسين على الدخول الى الفصول ولكن دون جدوى مطالبين بتنفيذ مطالبهم التى تتلخص فى زيادة المرتبات اسوة بالمصالح الحكومية الاخرى دون النظر الى مكافأة الامتحانات وكادر المعليمن وطالبوا ايضا باقالة الوزير نظراَ لعد مطالبته بحقوقهم كموظفين بالدولة .
وهناك احتمالات بقيام معلمى المدرسة الثانوية بعمل اضراب غدا وهناك احتمالات عن استمرار الاضراب لحين تنفيذ مطالبهم هذا وقد غاب عن الاضراب المعلمين الذين ينتمون الى الاخوان المسلمين .
ومن جهه اخرى قامت مدرسة قلين الثانوية بنات بعمل اضراب اليوم

فيديو لاجتماع المدرسين


وسوف نوافيكم بالتفاصيل لاحقا

ولماذا لم يضربوا عن الدروس الخصوصية؟




هدي الله الجميع



ولا عزاء لاولياء الامور واولادهم

أكيد لو الدروس الخصوصية مش هترضيهم ماديا هيضربوا عنها

لا حول ولا قوه الا بالله العلي العظيم
بالله عليكم هل هذا الوقت يسمح باضرابات وخلافه
الي جميع المدرسين الافاضل اساتذتنا جميعا
يا من علمتونا
يا من فهمتونا
يا من ربتونا علي العلم
اناشدكم بالله عليكم ارحموا مصر
ارحموا البلد فهذا ليس وقت الاضرابات هذا وقت العمل والانتاج
عذرا لمن لا يعجبه كلامي
ولكنها اولويات وليست اولويات شخصيه وانما اولويات وطن
بارك الله فيكم جميعا فانتم اصحاب الفضل علينا جميعا
انتم اساتذتنا
(من علمني حرفا صرت له عبدا)
لكم مني كل التحيه والتقدير
تقبلوا كلام اخوكم وابنكم الاصغر

العبودية لله وحده اخي العزيز ابو شهد
تقبل تحياتي

ياربأصدر المستشار محمد عبد القادر محافظ الغربية قرارا صباح اليوم باعتبار كافة المعلمين المضربين منقطعين عن العمل وإحالتهم للشئون القانونية ووقفهم عن العمل.

كما قرر المحافظ تطبيق نص المادة 124 من قانون العقوبات على المعلمين المضربين والتى تقضى بالحبس مدة لأتقل عن 3 أشهر ولا تزيد عن عام وذلك لكل من امتنع عن العمل أو أضر بمصالح المواطنين، مع تقديم المنقطعين أو المضربين للمحاكمة الجنائية والتأديبية.

جاء ذلك عقب ورود العديد من البلاغات من إدارة شرطة النجدة والتى تؤكد حدوث احتكاكات ومشاجرات بين عدد من أولياء الأمور والمدرسين المضربين عن العمل داخل مدارس محمد الخولى بسبر باى، والشهيد مبروك، بكفر الزيات، وفيش سليم1 بطنطا، والشهيدين بحى ثان طنطا، والتجريبية المتكاملة بشارع الجلاء.

وفى السياق نفسه أصدر المحافظ قرارا بمجازاة مديرة مدرسة طنطا الإعدادية الحديثة بنات بخصم 3 أيام من راتبها بعد وقوع مشادة بينها وبين مديرة الإدارة التعليمية أمس عقب مشاركتها فى الإضراب.

يشار أنه لليوم الثالث على التوالى واصل المعلمون بمدارس طنطا الصناعية النسيجية بطنطا والصناعية الزخرفية بالمحلة والصنايع الميكانيكية بمحلة أبو على إضرابهم عن العمل.


محافظنا يعمل زيه لان مستقبل الاولاد في خطر

لا حول ولاقوة إلا بالله
خلاص خلصة كل المشاكل ومشيت عجلة الإنتاج . والبلد بقى لها رئيس والشرطة حميانه .. والسياحة شغالة وكله تمام فاضل المدرسيين .. الله يسامحكم دا وقته حرااام البلد مش متحملة .. والله صعبة قوي هما الفراعنة عايزين كده . اضرابات واعتصامات .. تدمير تخريب تفجير .. عشان نقول أيامك يارئيس ..
بصراحة إحنا شعب جباااار ملناش غير ال يخوفنا بضرب النار ..

محمود على شهاب كتب:

العبودية لله وحده اخي العزيز ابو شهد
تقبل تحياتي

صدقت اخي الفاضل ابومحي
ولكنها عبوديه الدنيا وليست عبوديه التوحيد والالوهيه
فسيدنا بلال رضي الله عنه كان من عبدفي الدنيا
واللفظ للكنايه عن دور المعلم
شكرا للتوضيح
تقبل تحياتي

لا حول ولا قوة الا بالله

فين ايام محى القطان بكلمه واحده الموضوع خلص ولا ايه

قـــــــــــــــــول للزمـــــــــــــــــــــــــااااااااااااااان إرجــــــــــــــــــــــــــــع يازمااااااان

يا سلااااام لو كان الإضراب ده حصل أيام ما كنا في الدراسة ، كنا حنكون في منتهي السعادة ، يا بخت الطلبة بتوع اليومين دول ، الواحد كان بيفرح بالشتا علشان يغيب من المدرسسة ويا سلام لما نروح الدرس والأستاذ يرجعنا علشان مشغول النهاردة كان بيبقي يوم عيد .
لا المضربين حيظلوا مضربين ولا الشغالين حيظلوا شغالين ، كل شئ حيهدي ان شاء الله المهم البلد يبقى فيها سلطة تشريعية منتخبة علشان تقرر باسم الشعب الصح والخطأ ، دلوقت كل واحد بيقول انا الشعب وانا صح وحتي يكون هناك برلمان محدش حيعرف الصح من الغلط ، كل المشاكل اللي في مصر الآن سببها غياب مؤسسات الدولة

انا مش عارف التورتة هتكفي مين ولا مين
كله بيجري عايز يخطف حته بسرعة
قبل التاني مايوصل اوصل انا ولو على حساب كل المارة
دا طبيب ودا مهندس وده زبال وده للاسف استاذ كل عايز يسرق وينام شبعان
قصدي يلحق ياخد حته من التورته بسرعة قبل كل المارة

ياريت وزير التربيه والتعليم يعاقب كل مدرس لم يقوم بعمله وان لم يؤدون عملهم فيعاقبهم ويفصله من الشغل

اللى بيعملوه دا غلط والله ياجماعة المفروض حد عاقل من أولياء الامور يروح ويتفاهم معاهم ويعرفهم إن اللى بيعملوه دا غلط . الترته اللى بيجروا عليها دى مسمومة مش هتنفعهم . حسبنا الله ونعم الوكيل هى نقصاكم وبعدين كانوا فين زمان وإعتصاماتهم كانت فين .بصراحة انا مش شايف مصطلح للى بيعملوه ده اكتر من كلمة ( جبن ) بضم الجيم مش بفتحها ولا بفتحها معادتش تفرق .

ربنا يهدى الجميع والامور تعود افضل مما كانت عليه امين يا رب

ياجماعة الصبر طيب كلة هيتحل

اللهم ألف بين قلوبنا