السلام عليكم
يقول الله تعالى:"إِنَّا أَنزَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ",يوسف 2,ويقول سبحانه وتعالى:"إِنَّا جَعلناهُ قُرْآنًا عَرَبِيًّا لَّعَلَّكُمْ تَعْقِلُونَ",الزخرف 3.

هذا هو كلام ربنا سبحانه وتعالى والدليل ا لشرعى على عظمة ومكانه اللغه العربيه والتى هى لغة اهل السماء وهى اللغه اللتى تشرفت بنزول القرآن الكريم بها الا اننا الان امام ظاهره تفشت وانتشرت بطريقه بقت ممله ومستفذه الا وهى الانجليزى المعرب وبقينا بنشوف ( الحمد لله ) بتتكتب (el7) وكمان ( ان شاء الله ) بتتكتب ( ins) والناس بقه المثقفه اللى ثقافتها عاليه امال ايه دول شباب الكامحه وشباب الفيس بوك شباب روش طحن وكمان بيلبس كوتونيل قمة الاستهزاء باللغه العربيه وتقليد اعمى وفزلكه فارغه طيب ماشى فيه ناس مش موجوده فى مصر او الجهاز بطبيعته انجليزى لكن اللى يغيظ بقه ان واحد عربى وجهازه عربى ولو سالته فى الانجليزى هتلاقيه بينطق كلمتين بالعافيه ( انجليزى بطينه ) لكن بيعرف يكتب ( الالف 2 والعين 3 ) سبحان الله ان كنا نريد العزة والتمكين والتغيير فالاولى بنا ان نعتز بديننا وبلغتنا لغة القرآن الكريم ولكننا بنحب الفزلكه وكده بقينا كلنا بنتكلم انجليزى هأأأو انجليزى من بتاع كوتونيل يا ريت لو كنا بنتعلم انجليزى صح ونتمكن فعلا من اللغه لكى نتمكن من فهم القوم وكنا ممكن نساعد فى نشر الدين ولو بترجمه خطبه لشيخ ونشرها على شبكة الانترنت لكن احنا اللى بنضيع قيمنا وبنستخف بلغتنا وهو ده مخطط اليهود اصلا وهو تحريف وتزييف التارخ والغزو الفكرى للوطن العربى ومثال على كده لو سالت نسبة عريضه جدا من الوطن العربى عن القدس هتلاقى الصورة اللى متغلقه فى زهنه هى صورة ( قبة الصخرة ) وممكن ميكونش يعرف الاقصى اصلا وساعد فى ده كل قنواتنا العربيه بلا استثناء ,,,,,,
ان كنا فعلا نبحث عن الحريه وعن التغيير فلابد اولا نت تحرير عقولنا وفكرنا من افكار تعلمنا على يد انظمه عربيه همشت وزيفت تاريخ الامه وصورت لنا احفاد القرده والخنازير مثال للرقى والتقدم بس احنا للاسف علمناهم الحضارة وبنقلدهم فى الهيافه وبس


( يااااااأمة حملت رسالة احمد ,,, للعالمين فهم بها رواد )

( يااااااأمة حملت رسالة احمد ,,, للعالمين فهم بها رواد )

وخلاصة القول ,,,,,,


( نحن قوم أعزنا الله بالإسلام فإن إبتغينا العزة فى غيره أزلنا الله )


قشدة

الله يفتح عليك ياأخ محمد ...دائما عند حسن ظن الجميع

زادك الله حرصا على حرص

الاخ محمد / سلام الله عليك
حقيقة الموضوع هام للغاية لانه مرتبط بهوية امة يراد لها ان تمسخ واللغة من اهم دعائم الامم ورسوخ ثقافتها ولكن اطمئن على اللغة العربية لانها محفوظة بحفظ الله سبحانه وتعالى لكتابه الكريم :قال عز من قائل "إنا نحن نزلنا الذكر و إنا له حافظون " ولكن هناك حملة تغريب واسعة النطاق منها ما هو متعلق بالمناهج الدراسية و منها ما هو متعلق بالاعلام وكذلك المرتبطون بتنفيذ اجندات اخرى فى بلاد المسلمين . وشيىء عجيب عندنا فى التعليم ان الطفل يبدأ الآن ب a,b بدلا من ان يبدأ ب الف , باء وطبعا حدث ولا حرج عن kg1,kg2 خاصة عندما تسال شخص :فى اى الصفوف يدرس ولدك؟ . يقول خبراء التربية انه من الخطا ان يتعلم الطفل لغتين فى أن واحد خاصة قبل ان يتقن لغته الام واسمح لى ان اتفزلك مرة من نفسى"mother tongue" مع خالص تحياتى

اخي الحبيب الاستاذ محمد
كما هو عهدي بك دائما تجيد النشان وتبدع ايما ابداع في اختيار مواضيعك التي هي درر علي صفحات هذا المنتدي
واللغة العربية كما هو معروف لغة الضاد وهي من اجمل اللغات واوسعها وان كانت بحاجة الي تعريب كثير من مفرداتها التي دخلت عليها بسبب التطور التكنولوجي والعلمي السريع في القرن المنصرم
فيكفينا فخرا انها لغة القران وهي احدي اللغات الرسمية الست في اروقة الامم المتحدة وهي لغة حية ومتطورة ويجب الحفاظ عليها وعدم قبول اي لغة بديلة لها
فدائما وابدا اخي العزيز اجتهد ان تتكلم العربية
وتقبل تحياتي ومروري

موضوع فى غاية الروعة اخى وحبيب قلبى محمد الجرن فانا احزن جداااااا عندما ارى اللغة تهان حيث وهبنا الله اللغة العربية وهى افضل اللغات ويكفى انها لغة القرآن الكريم وارى انها تهان من العرب أنفسهم .

اللهم اصح حال امتنا واهدنا الى ما تحبه وترضاه برحمتك يا ارحم الراحمين

تحياتى لاحبتى واساتذتى
ابو معاذ كلمات حضرتك شهاده اعتز بيها ووسام على صدرى
استاذى وحبيبى محمود الحداد تحياتى لحضرتك وده ملعبك يا استاذنا يعنى حضرتك تتفزلك برحتك هههه
الغالى اللى وحشنى جدا ووحشتنا ايامه وربنا يجمعنا بيه على خير ابو محى تحياتى واحنا بنتعلم من وجودنا معاكم يا استاذنا
وكل التحية لصبرى شرف وان كنت اتمنى اشوفلك مداخله ولو لمره غير جزاك الله خيرا ههههه

وتحية خاصة جدا لدائم الابداع حبيبى احمد بقوش واسجل شكرى له لانه اتاح لنا فرصة التواصل مع هذه العقليات الفذه والمحترمه

قشدة

والله يا أخ محمد عبرت عن كثير من ) الألم ) في نفوسنا وأحيانا بكون بتكلم مع واحد صاحبي ويحط لي 3 مثلا في وسط الكلمة أسألة يعني ايه يقول لي يعني كذا .
طبعا المسألة بتبدأ عن طريق بث بعض الشباب المدرب على الإنترنت ليعطي هذه العلامات ثم تتطور مع الوقت ولكن نقول الحمد لله لان في وقت من الأوقات كان بدأ بعض القنوات الفضائية التي تحسب على الكنيسة القبطية تبث التقارير باللغة العامية وبدأت بعض المواقع المعلوماتية زي الويكيبيديا العامية تعطي المعلومات بالعامية لكن حيعملوا ايه في الآلاف المؤلفة التي تحفظ القرآن كل سنة ولكن :
- يبقى من الأهمية بمكان معرفة اللغات الأجنبية وخصوصا الإنجليزية والإسبانية والفرنسية خصوصا وأن تعلمها عن طريق الإنترنت أصبح ميسور ، أنا مثلا كنت أقرأ سورة المجادلة وانطقها بفتح الدال ولكن عندما قرأت ترجمة القرآن باللغة الإنجليزية وجدت اسم السورة THE WOMAN WHO ARGUES يعني المجادلة بكسر الدال وهذه كانت اول مرة اعرف ان اسم السورة كدة ، لذلك اعتقد انه لا يجب ان نصب جام عضبنا على تعلم اللغات الأجنبية خاصة أنه السبيل الوحيد للدعوة داخل افريقيا وآسيا وامريكا اللاتينية ولكن يجب الإهتمام بتحفيظ الأطفال القرآن الكريم وعمل افلام كرتون زي زمان باللغة العربية الفصحي ، انا فاكر زمان كنت بأتفرج على مغامرات سندباد وكانت اللغة العربية بتاعتها جزلة جدا وساعدتني كثيرا في صقل اللغة العربية ، المشكلة ان فيه مدرسين لغة عربية مش بيعرفوا يعربوا حاجات بسيطة جدا زي مثلا جمع مؤنث سالم منصوب بالكسرة هههههههههههه.
قال الإمام الشهيد حسن البنا في الوصية الثالثة من الوصايا العشر ( اجتهد أن تتكلم العربية الفصحي فإن ذلك من شعائر الإسلام )

والله يا اخ محمد انت كتبت ما كان يجول بخاطري منذ فترة طويلة فانا اغار بشدة على لغتنا الجميلة وقد رأيت للاسف الشديد بعض الخطباء في المساجد يخطئ كثيرا في ابسط قواعد النحو والصرف وقد تناقشت مع كثير منهم بعد انتهاء الخطبة لانه لا يجوز ان يقع الخطيب في مثل هذه الاخطاء البديهية وهو المفروض دارس للغة اكثر منا في ابسط قواعد النحو والصرف فياليتنا نعلم ابناءنا الاهتمام بهذه المادة وعدم اهمالها او الاستهانة بقدرها .

زادك الله من فضله احسنت ووقع موضوعك على شئ في غاية الاهمية
بارك الله فيك وزادك راجحة في العقل احيانا اعتقد اني اخيك الصغير

جزاك الله خيرا أخى الكبير أ / محمد
وسبحان الله لكم كرهت هذه الطريقة منذ اول يوم رأيتها

Thank you man
موضوع غاية فى الاهميه وياريت الشباب اللى بيبنو اللباس سورى قصدى البوكسر يعرفوا قيمة لغتهم ويتمسكو بيها بدل المسخره دى

وخلى بالك من سورى

استاذى وحبيبى سعادة المستشار طويل العمر يطول عمره وينصره على من يعاديه تسلملى وصح لسانك
استاذى محمود النشرتاوى الشخصية المحترمه والنادرة الوجود وافر تحياتى
حبيبى واخويه ابو حسناء ربنا يباركلى فيك يا نجم
نجم النجوم ابو باسل تسلم يا بكر وايه حكاية خلى بالك من سورى دى اشمعنا يعنى هههههه
اغلى الغاليين العمده الحبيب ابو امال ليس هناك اجمل من ان يكون اخيك الاكبر فى مثل طيبتك وحنانك وقلبك الكبير تسلملى وربنا يباركلى فيك

قشدة

يعنى با مشى مع الموضه يا ابو حميد بدل ما اقولك اسف قولت سورى

أحسنت .......... وجزاك الله كل خير

تصدق بقى ان الانجليزية والفزلكة سعات بيكونو اسهل من المصطلحات العامية الدارجة ال عاوزة مترجم
زى دى
اراك امس
وتكا
احلقله
باراشوت
ظهر اتوبيس
هشكة
متشفرة
ساكمونى ، ماسكوبيتش ،شامورتى ، خفشاوى ، شنيش
مكيش القفف
وفكك بقى
وانت كدة تعجب بوسى سمير
ترانسليت بقى يا معلم

صدقت ابو السيد ، دا انا ساعات لما حد بيقولي الكلام ده بحس اني جاهل لأني مش فاهم معناه وبمناسبة احلقله مرة واحد بكلمه في موضوع فمسح على ودنه بايده عدة مرات وانا قاعد ابص له مستني يرد عليه ولما سألته عن رده مسح ودنه تاني عدة مرات وقال لي نفض له . قلت له انفض له ايه ؟ قال نفض له يعني احلق له ، بس الحمد لله بعد كده عرفت انه يقصد اني أفكني منه

ماشى يا بكر ويلا انا كمان عالموضه بييس يا مان
حماده باشا غلمش تسلم يا غالى
ابو الزهراء دائم التميز فعلا عندك حق اضافه الى الاستهزا فى الكتابه بنسمع الفاظ ملهاش لا لون ولا طعم ولا ريحه وصح لسانك يا عرب
سعادة المستشار حبيبى وجودك دائما مقترن يالبهجه والابتسامه والحس الجميل مساك زى الفل

قشدة

الاخ العزيز محمد الجرن
والاخوه الذين سبقوني بالتعليق
والله انه موضوع في غايه الاهميه جداا جداا ويجول بخاطري من سنوات
خاصه عندما تري يافطه محل مثلا A1
او new fashion
او3m
اوthe first
وهكذا وهكذااااااااااااااااااااااااااااااااااااااااااااااااااااااااااااااااااااا
جزاكم الله خير
وتقبلوا مروري

تحياتى ابو شهد الغالى مرورك الكريم منور الدنيا يا ريس

قشدة

mawdo3 ra23
!!!!!!!

الله ينور يا استاذ محمد موضوع جميل والله والواحد بيعاني منه لاني ما اعرفش هما ببيكتبوا ايه وخاصه علي الفيس بوك كلما اكلم حد جديد عندي في الدردشه واقوله اكتب عربي يمسحني من الاصدقاء هههههههههههههه مش عارف الناس دي حسستني ان انا من العصر الجاهلي .
لُــغـــتـــــي أجـــمــــلُ مــــــن كــــــلِّ اللُّـــغــــــاتِ
أســتـقــــي مــنــهــــا جـمـيـــلَ الـــكــلــمـــــــاتِ

وحــْـــــــيُ ربِّــــــي قـــــدْ حَـوَتْــــــهُ بــيـــانــــــــاً
فـتـعـالـــــى اللَّـــــهُ مُــنْـــــزِلَ الآيــــــــــــــــاتِ

لــكــــــلامِ الـمصـطـفــــى عِـــقْـــــــداً فـــريـــــــداً
سـطَّــــرَ الـحِـــــبُّ حـديـثــــــاً وعِــــظـــــــــاتِ

واصـطـفــــاكِ اللَّــــــهُ لــلأُخْـــــــرى لِـسـانـــــــــاً
أضـحـــتِ الأحـــــرفُ مِـنْــــــكِ خــالــــــــــداتِ

لــــو نطقْــــتِ اليــــــومَ لأنْكــــرْتِ جــــــحــــــوداً
مــــــن بـنـيــــــكِ وضـيـــــــاعَ اللَّـهَــجــــــــاتِ

فـأحـلُّـــــــوا أَرْضَـهُـــــمْ كــــــــلَّ غـــــريـــــــــبٍ
واسْتَبَاحـــــــوا اللَّحـــــنَ فـــــي الـكـلـمــــــــاتِ

لـغـــــةُ الـعُـجْـــــمِ صـــــارتْ فـــــي الأعــالــــــي
والـضَّـــــادُ تـشْـتـكـــــي فــــــي المُعْـجَـمـــــاتِ

أبــنـــائــــــي فـــــــي أرضِ الـعُــــــرْبِ هـــيَّـــــــا
نَسْتَــــرِدُّ الـماضــــي.. ونبْنـــــيَ الآتـــــــــــــي

يـــاشـبـــــابَ الـجـيــــــلِ هـيَّـــــــا للـمـعـــالـــــــي
نـرتقــــــي بالعلـــــــمِ فـــــــــوقَ الأزمــــــــاتِ

مشكور استاذ نور مرورك بس مفهمتش من تعليقك موافق ولا معترض ؟؟؟؟
تحياتى دكتور بسام مرورك المرح وتعرف بقه انا لما حد بيكلمنى كده واعرف ان الكمبيوتر بتاعه عربى وبيكتب كده انا اللى بحزفه ان متعدلش وده ميمنعش ان فيه ناس مبتعرفش تكتب عربى غير كده ممكن خصوصا لو كان من المغرب او شمال افريقيا يعنى فعادى بتكمل معاه تحياتى ليك

قشدة

الاستاذ نور رد بس باللغه التانيه هههههههههههههه كان احسن لو كتب موضوع رائع بالعربي

لأ أنا معترض طبعا
لازم نعتز بلغتنا
وبعين أنا بتب انجليزي بمعدل ثلاث كلمات في الساعة
هههههههه