لست بكاتب ولا مؤرخ .. حالي حال الملايين قبل الثورة عبيط .. جنب الحيط عشان متأذيش .. خاف من مدرسك .. أوعك الناظر يشوفك بتلعب .. ياويلك لوإتمسكت تحري ......... إلخ من الآخر ( إكدب عشان تعيش ـــ وإن قبلك عسكري أو خفير إديلك بقشيش .. ونافق ولو ضميرك وجعك قرش حشيش .. وسهل الحصول علية عمو حبيب العدلي مالى البلد بيه .. كله ينصطل ويعيش وعن السياسة خليه بعيد وخد من ده كتيير وكتيير وفى الآخر هربنا من البلد عشان نعيش ..
والنتيجة مؤسفة أجمل سنين العمر بتضيع .. الشباب وحلاوتة .. العمر وغلاوته ... حتى كرامتنا لما هانت على بلادنا .. هانونا التانيين .. بس الحمد لله إتزوجنا ومعانا عيالنه وهربنين ..
وجاءت أجمل لحظة فى عمري التسعة وعشرين .. لقيت الكل بيتكلم مصر عمله مظاهرة فيها ملايين بيني وبين نفسي فرحت وخفت فرحت من جمال الإحساس .. وخفت يعيني على الناس .. قلت دا جمال مبارك بيبني سجن جديد يااااه كل دي ملايين فدادين .. هيلم فيها مين .. قلت مبارك دا خبيث اللهم احفظنا ذي المرض الخبيث .. بس كان عندي أمل وجوه الحرم دعييت وقلت يارب العالمين يامنجي موسى من فرعون عندنا فرعون لئيم نجنا منه وارحم مصرنا اللهم آمين ..
وجاءت لحظة الإنتصار ... والله ومن فرحي ضربت فى الغربة نااار واشتغلت اليوم ده ببلاش ووزعت حلاوة وجتوه وشربات .. بس للأسف المصري من قلبه فرحان وجنبي السعودي هيولع نااار .. مش عارف إيه السر ذي ميكون فرعون بسرق مني ويديله .. بس برضه فرحت من قلبي وقلت أخيراً إبني هيشوف النور وسامح صحبي هيجيب عيال أصله إتجوز وحالف ميجيب عيال عشان ميظلمهمش فى عهد الجبان .. يااااه الفرحة حلوة بجد .. ولأول مرة أحن لمصر وأحن لبدي وقلبى بالفرحة يدق بقالى أربع سنين فى رحلة واحدة متغرب وكنت حالف لأكمل ..بس قلت لأه كفاية مصر وحشاني ..
وفى لحظة إنقلب كياني لما لقيت شبابنا فى ميدان التحرير تاني عايزيين وظايف عايزين رواتب زيادة عايزين الخبز ببلاش .. عايزين هدوم العيال والكل عايز حتى المدرس الغلبان .. وكل العمال .. أنا معاكم عايز كل ده بس فى الأول ( عـــــايز أشــــــــــوف مصــــــــــــر أم الدنيـــــــــا بخيــــر )
بس للأسف حرايق ودماار وموت رجال وشباب وجيش خاين غدار ولسه من النظام بره كلاب .. وناس مصلحتها ما نعلاش .. جوه وبره فيه حساد .. وكأن البلد كلها عملاء لإسرائيل ولأمريكا والسعوديةوالبحرين وللكويت وقطر وكأن مفيش حد على البلد خايف .. كلنا ورا الفتنه منساقين من كتر همي بغني ( أروح لمين ................................... ؟ )

لن تحتاج ان تكون كاتبا او مؤرخا حتى تغزل هذه الكلمات الرائعه الشيقه يكفى فقط ان تعبر عما بداخلك بصدق حتى تصل رسالتك ويصل احساسك لكل من يقرأه
رائع يا حماده

أخي وحبيبي محمد شكراً لمرورك ولكن بجد الوضع يحزن له القلب

المفروض تغير العنوان الى كلام من القلب
لأن كلامك وصل الى قلبي مباشرة وما يخرج من القلب يصل الى قلوب الآخرين بسهولة زي اسلوبك السهل العفوي الجميل

رااااااااااااااااااااااائع
إنت مش عبيط ............. دا إنت عظيييييييييييييييييييييييم

شكراً جزيلاً أستاذ محمدعبدالمنعم والأخ الفاضل محمود

رااااااااااااااااااااااائع
إنت مش عبيط ............. دا إنت عظيييييييييييييييييييييييم
دا هم اللي عبط

بسم الله ما شاء الله

تسلم ايديك يا حماده كلام جميل ورائع

وإحساس لا يوصف - مايخرج من القلب لا يصل الا للقلب

جذور خيري شلبي الادبية اراها تنمو في شباس بشكل ومضمون جديد
تقبل تحياتي ومروري اخي الحبيب ابو محمد

شكراً أخي وصديقي عزت الشامي ولأخي الأكبر عمدة المنتدي ( عز العرب ) ولأستاذي القديرمحمود شهاب الدين ..

عرفت يا استاذ حماده ان البلد لم تتغير وكما هي ولكن كلماتك رائعه وجميله

ايه الحلاوة دية يا استاذ حمادة رائع والله وصف دقيق بإحساس جميل يدخل الى القلب مباشرة

شكراً أخي بسام لمرورك الكريم وأخي ابن الحته

أيةةةةةةةةةةةةةةةةةةةةةةةةةةةةةةةةةةةةةةةةةةةة الحلوة ديت ياباشا
أبدعت وسوف تبدع أكثر
ياأبو محمد ياغالى

وصف رائع اخى لحالنا

أخي وصديقي العزيز أبو كمال / شكراً لمرورك الكريم .. أخبارك والله واحشني فينك .. شكراً لمرورك أخي أشرف ودا حالنا فعلاً

والله احلي كلام يسلم لسانك

شكراً أخي أبو حبيبة وجزاك الله خير