لكل اخ وكل اخت

لكل اخ وكل اخت 14/10/2011, 4:03 pm

لكل اخ وكل اخت
يعنى ايه اربى لحيه يعنى ايه البس حجاب
يعنى ايه التزم بالسنه من بعد الكتاب
يعنى كلامى دايما بالحساب
مردش العيبه بعيبه لو حد فيه مره عاب
يعنى مانمش فى حد ولا اكذب ولا اغتاب
يعنى مش ادارى فى لحيه واكون نصاب
يعنى مش ادارى فى حجاب
ويكون لى لاسته م الاحباب
يعنى اجتهد واشتغل واخد بالاسباب
يعنى افكر بعقلى وقلبى
واعمل كل شىء صواب
يعنى التزم واكون صادق
ولا عمريش اكون كذاب
بالشكل ده ابقى صحيح استاهل
البس الحجاب
التزامى يعزنى
يخلينى دايما فوق السحاب
التزم فى نظرتى – وف كلمتى –وف مشيتى –ومعاملتى
مجبش سيره حد لو مره عنى غاب
اعمل لخشيه ربنا
ولذلتى يوم الحساب
اقوم للصلاه وقت اسمع الاذان
عشان دعايا يبقى مستجاب
ساعتها بس استاهل ان اتشرف
والبس النقاب مش بس البي الحجاب
والنقاب مش هدوم ومحزقه
فى جتتك وملزقه
تظهر مفاتنك للمعارف والصحاب
الحجاب او النقاب يعنى التزام
يعنى احاسب فى التصرف والكلام
يعنى اعرف عن يقين
ايه الحلال وايه الحرام
يعنى كلامى ومشيتى
وابتسامى وضحكتى تكون باحترام
يعنى الامانه فى انى اكون
صوره للاسلام
على كلامى دايما رقيب
عمال بيسطر فى الكتاب
يا امه جنه يا امه نار
يا امه النعيم
يا امه العذاب ويا المرار
عملك خيارك هوه اللى
يحدد الاختيار
وكلها عند الغفور اسباب
جوه قلبك ربنا وبتراعيه
هتنول جنتك
فى دنيتك
وف اخرتك
ويتضاعف ليك الثواب
تكذب تنافق وكل شر بتعمله
حتى الحرام بتحلله
والشبهه فى كل شىء تعمله
بتحوطه وتتخلله
هيكون حسابك عند ربك
سوء عذاب
ارجع لربك يا بن التراب
ارجع لربك دانته راجع للتراب

رد: لكل اخ وكل اخت 14/10/2011, 5:18 pm

كلمات رائعه سلمت يداك

رد: لكل اخ وكل اخت 15/10/2011, 10:34 am

مستر عطيه يا احلى شاعر
بقلهالك بصميم المشاعر
كلامك بيجول فى كل خاطر
وتعبنا من كتر المظاهر
بس انت جبت من الاخر
اسلامنا بسيييط وجميل
ولكل فعل دليل ودليل
وصباحك فل يا مستر عطيه يا جميل
انظر

طب والله ماشى حاله ولا ايه يا مستر
قشدة

رد: لكل اخ وكل اخت 15/10/2011, 6:02 pm

احسنت شعرا
وجعلت له قيمه وسعرا
وجعلت له سقفا وقعرا
وجعلته سلسا
بعد ان كان وعرا
وغنيته لحنا
وقد كان نعرا
وكسيت الشعر ثوبا
وكان قبلك اعرى