الاخلاص والصدق عنك كلها حاجات مش غريبه
لانك الصادق الطيب اللى مبتطلعش منك عيبه
ولاعمرك تعرف نميمه ولاغيبه
مفيش فى قلبك غير ربنا والتقوى والطيبه
يارب بارك لك فى حبيبه
ياابو حبيبه
ويكفيك شر كل بليه ومصيبه
وبارك لك فيها ويجعلها
دوما فى الحق مصيبه
تكبر فى عزك وتكون مهندسه او طبيبه
دا نبت ارض الاصاله
ارض شباس من غير شك ولا ريبه
والتفوق والتميز
حاجات عليها مش غريبه
رغم انها قريه من عرق ايدها بتاكل
وتربى البهايم فى الزريبه
لكنها قريه بالف مركز
من كل شىء حديث
تلاقيها دايما قريبه
الامل فى زهور شبابها
والحكمه فى الشيبه
مهما يكون الاختلاف
قلوبهم دايما حبيبه
واخدينها بالحكمه
مش ماشيه بالسيبه
اولادها فى الغربه
شايلينها فى قلوبهم
بلسم وتركيبه
تاج على راسهم
واصلين مع ناسهم
بيراعو احساسهم
فى كل تغريبه
يرجعوا سالمين
مسيحيين ومسلمين
ويصلحوا شانها
ويطردوا منها
العوه والديبه
ويبنوا اركانها
ويعمروا دكانها
وينعشوا سكانها
ويعلوا قدرها ومكانها
فى قلوب الشبيبه
