الاخوة أعضاء المنتدي معذرة لطول فترة الغياب وذلك لالسباب خارجة عن ارادتي
وقد قرأت هذه القصيدة عن الصورة وهي اول عمل اقدمة بعد الغياب
على فكرة انا متفائل
وطبيعي وراجل عاقل
الحاجة الصح يا صاحبي
متجيش ابدا بالساهل

وطبيعي يكون فيه فتنه
ما الدنيا بحالها شافتنا
وفي ناس عايزانا نفضل
عايشينها كده بخيبتنا

وعادي نقول دي حقوقنا
ونعبر عنها بزوقنا
طبعا ما احنا خايفين
للتاني يجي يسرقنا

ومهما الأزمة هتطول
مش هرجع زي الأول
حقي مش هسكت عنه
ولا أصدق اي ممثل

مش هاخد رشوة يا بيه
بس زودلي جنية
أو رخص تمن الحاجة
ولا أعملي أبونيه

أكلني لقمة شريفة
وسكني فحته نضيفه
متخليش حد ينام
معاهوش ولا تعريفة

وبلاش شغل التشريفة
والبشاوات والتكتيفة
محدش أحسن من حد
هتعوم وهتبقى خفيفة

عمرها ما هتغرق تاني
علشانك أو علشاني
مهو مصر لكل العالم
هي بطاقتي وعنواني


هكتب وهقول مية مره
يا بلادي هتفضلي حره
وماعونتِك هتكون منا
مش هنجيبها من بره


انا متفائل صدقني
أياك مره تسََرقني
وياريت عالخير نتسابق
وهفرح لما تسبقني

وهنرسم شكل جديد
ويا أم كل شــــهيد
أفرحي دا بداية الثورة
كانت خــالـــد سعيد

أرفع راسك أنت مصري
أنت للحرية حصري
حَوطوا على بعض أكتر
وأصبروا الخير هيسري


على فكرة انا متفائل
وطبيعي وراجل عاقل
الحاجة الصح يا صاحبي
ابدا متجيش بالساهل


للشاعر / يحيى أبو العزائم

أستاذنا الكبير الأستاذ حمدي ابو احمد
أولا حمد لله على السلامة ، ثانيا اعتذارك عن الغياب الفترة الماضية غير مقبول تماما لانه الغياب الثاني خلال اقل من اربعة اشهر وأنت تعلم انك عمود من أعمدة المنتدي وأننا نسعد دائما بوجودك ونستفيد منه لاقصي درجة فكيف بك يا أخي تحرمنا من هذاالوجود الكريم .
ثالنا شكرا على القصيدة الجميلة
رابعا سلم لي على احمد جدا جدا

الاخ الفاضل أرجو قبول اعتذاري لاني في بداية العام الدراسي تم نقلي الي مدرسة اكبر عدد وكثافة اعلي من المدرسة السابقة وكنت منشغل جدا لضبط العمل بها حتي اني كنت اذهب اليها صباحا ومساءاً وكنت افتح النت سريعا لاقراء الاخبار ثم حدث لنا حادث اصابنا جميعاً بالحزن الشديد وهو اننا فقدنا اخ فاضل هو الاستاذ / عبده المغربي فأرجو قبول اعتذاري واحمد بيسلم عليك كتير مع اعتذاري مرة اخري لاعضاء المنتدي

رائع يا استاذ حمدى تسلم الايادى ومتحرمناش من عذوبة كلماتك

على فكرة انا متفائل
وطبيعي وراجل عاقل
الحاجة الصح يا صاحبي
متجيش ابدا بالساهل

وطبيعي يكون فيه فتنه
ما الدنيا بحالها شافتنا
وفي ناس عايزانا نفضل
عايشينها كده بخيبتنا

وعادي نقول دي حقوقنا
ونعبر عنها بزوقنا
طبعا ما احنا خايفين
للتاني يجي يسرقنا

ومهما الأزمة هتطول
مش هرجع زي الأول
حقي مش هسكت عنه
ولا أصدق اي ممثل

مش هاخد رشوة يا بيه
بس زودلي جنية
أو رخص تمن الحاجة
ولا أعملي أبونيه

أكلني لقمة شريفة
وسكني فحته نضيفه
متخليش حد ينام
معاهوش ولا تعريفة

وبلاش شغل التشريفة
والبشاوات والتكتيفة
محدش أحسن من حد
هتعوم وهتبقى خفيفة

عمرها ما هتغرق تاني
علشانك أو علشاني
مهو مصر لكل العالم
هي بطاقتي وعنواني


هكتب وهقول مية مره
يا بلادي هتفضلي حره
وماعونتِك هتكون منا
مش هنجيبها من بره


انا متفائل صدقني
أياك مره تسََرقني
وياريت عالخير نتسابق
وهفرح لما تسبقني

وهنرسم شكل جديد
ويا أم كل شــــهيد
أفرحي دا بداية الثورة
كانت خــالـــد سعيد

أرفع راسك أنت مصري
أنت للحرية حصري
حَوطوا على بعض أكتر
وأصبروا الخير هيسري


على فكرة انا متفائل
وطبيعي وراجل عاقل
الحاجة الصح يا صاحبي
ابدا متجيش بالساهل


للشاعر / يحيى أبو العزائم

_________________
اذا اردت الحياة كما تريد
................
سر فيما تريد وان كان بعيد
...............
وان خفت من مال او قوة او جاه
.................
اعلم ان لا دائم الا وجه الله
...................
وان تركت اخرون ليأخذو حلمك
...............
فقد احتملت الم لن يحتمله غيرك