كل المرشحين افاضل
كاتب الموضوع	رسالة
مسترعطيه الخضرى معلومات اضافية الجنس : العمل : الاقامة : العمر : 59 عدد المشاركات : 314 تاريخ الانضمام : 22/08/2011 رب انى مسنى الضر وانت ارحم الراحمين	كل المرشحين افاضل    4/11/2011, 4:44 am يابلدنا ايام ويبان معدنك انا بس جى افطنك كل المرشحين افاضل فيهم مكافح وفيهم مناضل وكلنا بنعرف نفاضل كلنا فاهمين بجد وعمرنا ما نفضل حد على حد الفعال اللى تفاضل وانته بتحط صوتك حط فى دماغك ولادك راعى ضميرك وخلى التقوى زادك راعى ضميرك يرضى عليك ربنا وتنول مرادك ياكل مترشح اوعاك تهون عليك بلدك اوعاك تفتت اوعاك تفرق بلدنا غرقانه مش ناقصه حد يغرق مستنيينا نضيع والغوله بتبرق لو ناوى جد المصلحه اوغاك تغرب ولا تشرق ويا صاحب الصوت اوعاك تفرط فيه حقق ودقق وللى يستاهله اديه اوعى اخوك المرشح تغلط فيه لكل واحد برنامج يفاضل بيه انته اللى تختار انته حر بس تختار منفعه مش شىء يضر عايزينه نهر مش حنفيه كل ماده علينا تخر اى واحد من بلدنا دا شىء يسر عايزين ياعالم حقوقنا من بعد ما شربنا المر عايزين عضو يحترمنا مش يلف بالدماغ ويفر معدش حد يمسك رواسه ويجر اصغر ما فينا حر اصغر ما فينا غر معدش حد نايم ومعدش فيه بهايم وكلنا زايلين الباقى هو الدايم كلنا قلين نجمعوا هنعيش نتفرقوا تايهين سمعيننى يا جماعه ولا انتوا مش سامعين طبعا كلنا فاهمين كلنا عارفين اللى يفرقنا مين وكلنا شاريين والله مش باعيين وحب البلد فى قلوبنا وفى الدم والشرايين معدش فيه ساكتين نسمع من كل الاعضاء ونميز وللمصلحه نتحيز ونشوف الاولى مين اللى بيحارب من سنين واللى داخل باسم دين وكلنا متفرقين يبقى اللى عايز الصالح مين والله انا مش فاهم انتوا اكيد فاهمين كل واحد يقول برامج مش عايزين خطب الولعه مش ناقصه الحطب وكل شىء فى البلد صابه العطب كل واحد عن كلامه لازم يكون مسئول كل واحد يقول برامجه ويراعى الاصول ومحدش فى حق اخوه يقدر يقول اللى يجيب سيره اخوه نسيبه يفضل وحيد مذلول واللى ينصف اخوه يبقى بصحيح معدول كلنا نسمع نقارن ونكونو سيف مسلول كلنا هنقول ارائنا معدش حد فينا مشلول معدش فينا عبيط ولا اهبل ولا بهلول كلنا اصحاب كرامه الشرح فيها يطول عايزين بصراحه نسمع من كل واحد نسأله مترشح ليه وايه ممكن يعمله ولاهل بلده يعطيه ونسأله ازاى نحاسبك لو يوم تقصر او للامانى فى يوم تكسر عايزينها بصراحه واحد هعمل كذا واتنين كذا معدش فيها تلمذه كلنا عارفين حقوقنا وفى غايه الاستذه عايزين محبه مركزه وتكون المشاعر راكزه تفضل بلدنا مكرمه ومعززه
محمود حشله معلومات اضافية الجنس : العمل : الاقامة : العمر : 53 عدد المشاركات : 1021 تاريخ الانضمام : 09/07/2010	رد: كل المرشحين افاضل    4/11/2011, 3:43 pm
محمد فريج بقوش معلومات اضافية الجنس : العمل : العمر : 40 عدد المشاركات : 242 تاريخ الانضمام : 26/07/2010	رد: كل المرشحين افاضل    4/11/2011, 10:04 pm
كل المرشحين افاضل

مواضيع مماثلة

مواضيع مماثلة

» «مكاتب الإخوان» بالمحافظات تبدأ اختيار المرشحين لانتخابات مجلس الشعب » منتدى ابناء شباس عمير ينفرد بنشر اسماء المرشحين على المقاعد الفردية بالدائرة الاولى بكفر الشيخ

صفحة 1 من اصل 1

صلاحيات هذا المنتدى: لاتستطيع الرد على المواضيع في هذا المنتدى أبناء شباس عمير :: القسم الثقافى ::   :: الأدب والشعر

أبناء شباس عمير :: القسم الثقافى ::   :: الأدب والشعر

جميع المشاركات والمواضيع في منتدي أبناء شباس عمير تعبر عن وجهة نظر كاتبها|جميع الحقوق محفوظة لمنتدى أبناء شباس عمير 2011