اول مره نصلى العيد
كاتب الموضوع	رسالة
مسترعطيه الخضرى معلومات اضافية الجنس : العمل : الاقامة : العمر : 59 عدد المشاركات : 314 تاريخ الانضمام : 22/08/2011 رب انى مسنى الضر وانت ارحم الراحمين	اول مره نصلى العيد    6/11/2011, 2:23 pm اول مره نصلى العيد من غير قيد هو صحيح الحاله الضنك خلت ناس مش لاقيه اللبس والناس التانيه لابسه جديد رغم الحاله كات زى ما قلت الا ان الكل كان فرحان وبجد سعيد لان العيد من غير حسنى وانا فى العيد قلت لواحد جنبى اقرصنى يمكن بحلم لكن فعلا دى بجد حقيقه وبدأت فى ضحك كان هيفطصنى فى ستين داهيه غار البعيد اول مره نصلى العيد من غير قيد هو صحيح الحاله الضنك خلت ناس مش لاقيه اللبس والناس التانيه لابسه جديد رغم الحاله كات زى ما قلت الا ان الكل كان فرحان وبجد سعيد كنت بكلم نفسى واقول شوف ياعطيه اول مره تسمع كلام الخطبه مليان وطنيه اول مره تشوف الحب فى عيون الناس حب بعفويه اول مره تشوف المصرى شوكته قويه اول مره تحس الحضن بجد من غير كراهيه اول مره تشوف الناس عاقله ومهديه لانها حاسه بطعم الحريه من غير ولا حد يفرض قيد اول مره نصلى العيد من غير قيد هو صحيح الحاله الضنك خلت ناس مش لاقيه اللبس والناس التانيه لابسه جديد رغم الحاله كات زى ما قلت الا ان الكل كان فرحان وبجد سعيد سمعنا الخطبه وكانت خطبه كأن اول مره كنا بنسمعا مست جوه قلوبنا وكات بتمتعها لما خليل الله شاف رؤيه انه بيدبح ابنه وكان بالحب بيقولهاله وبيشرحها وبرضه بحب ابنه يقول له زى ما تعمل فيه يا ابويه بوهب لك روحى لو عايز قطعها لما تتقطع بايدك يا ابه دى شىء بيفرحها ولما خلاص خلاص حط السكين على رقبه ابنه المسكين يفديه ربه بكبش عظيم مليان وسمين وصبحت سنه يعملها القادر لجل المساكين وانتهت الخطبه واتجمعوا اخوان قلين زى عادتهم دايما مبتكرين وزوعوا ارقام وقالوا فيه سحب جوايز هتكون من حق الكسبانين علشان نضحك سعادتنا تزيد اول مره نصلى العيد من غير قيد هو صحيح الحاله الضنك خلت ناس مش لاقيه اللبس والناس التانيه لابسه جديد رغم الحاله كات زى ما قلت الا ان الكل كان فرحان وبجد سعيد وبدأ السحب نادوا الرقم الاول مش موجود والتانى كمان مش موجود والثالث اخد الورقه ومشه ما هوش هيعود فى المره الرابعه كسب الموعود اخد له خروف بيه هيضحى ع الناس ويجود الرقم الخامس طلع الخلاط اما السادس كان اباجوره وكتب فى التفسير والسيره واللى مخدش بدا تكشيره وبدأت فى قلوب الناس الحيره يرد واحد م الاخوان محدش يقلق لان جوايز عيدنا كثيره ينادى زناتى ع اللى بيختار قلب يابنى شويه بايدك يمكن تطلع جايزه خطيره اصل زناتى صاحب مطعم والتقليب عنده مسيره لكنه الحظ بيعرف ناسه وعن صاحبه الحظ ولا يوم بيحيد اول مره نصلى العيد من غير قيد هو صحيح الحاله الضنك خلت ناس مش لاقيه اللبس والناس التانيه لابسه جديد رغم الحاله كات زى ما قلت الا ان الكل كان فرحان وبجد سعيد فات اليوم وكله سعاده حب وضحك يفوق العاده كل الناس اخلاص فى عباده يارب تديمها علينا سعاده فى كل الاوقات والمواعيد اول مره نصلى العيد من غير قيد هو صحيح الحاله الضنك خلت ناس مش لاقيه اللبس والناس التانيه لابسه جديد رغم الحاله كات زى ما قلت الا ان الكل كان فرحان وبجد سعيد
محمود حشله معلومات اضافية الجنس : العمل : الاقامة : العمر : 53 عدد المشاركات : 1021 تاريخ الانضمام : 09/07/2010	رد: اول مره نصلى العيد    6/11/2011, 2:32 pm يا أخ عطية لقد رسمت صورة لي لن انساها أبدا جزاكم الله خيرا لمست قلبي فعلا
مسترعطيه الخضرى معلومات اضافية الجنس : العمل : الاقامة : العمر : 59 عدد المشاركات : 314 تاريخ الانضمام : 22/08/2011 رب انى مسنى الضر وانت ارحم الراحمين	رد: اول مره نصلى العيد    6/11/2011, 3:10 pm وجزاك ومن فضله اعطاك ومن كل سوء حفظك وحماك وكلل بالخير مسعاك وطهر قلبك ويداك اللهم امين يارب العالمين
اول مره نصلى العيد

مواضيع مماثلة

مواضيع مماثلة

» خطبة العيد » دبحوه في العيد » العيد في جنوب افريقيا يوم الأربعاء !!! » عقد قران محمد الدمرداش العيد عامر » بمناسبة العيد والمشاركة الالف كل عام وانتم بخير

صفحة 1 من اصل 1

صلاحيات هذا المنتدى: لاتستطيع الرد على المواضيع في هذا المنتدى أبناء شباس عمير :: القسم الثقافى ::   :: الأدب والشعر

أبناء شباس عمير :: القسم الثقافى ::   :: الأدب والشعر

جميع المشاركات والمواضيع في منتدي أبناء شباس عمير تعبر عن وجهة نظر كاتبها|جميع الحقوق محفوظة لمنتدى أبناء شباس عمير 2011