خده الغراب وطار

سامح لطف الله الأثنين , 11 أبريل 2011 12:24

سألت كتير عن المليار ما حد طمني‮ *** ‬قالوا واحد وتسع تصفار تهت إكمني

ببيع طعمية وفول بجنيه وطحينة‮ *** ‬وتسألني‮ ‬عن‮ ‬المليار‮ ‬ناوي تجنني

عرفت المية بالعافية وفكتها ضاعت مني‮ *** ‬واحد باشا ومتلمع شعره جميل بني

جاب‮ ‬المية‮ ‬وقاللي‮ ‬فكة يامعلم‮ *** ‬وحط فلوسي في جيبه وزاغ‮ ‬مني

اتاري‮ ‬المية‮ ‬مضروبة‮ ‬ومش أصلي‮ *** ‬بحسن‮ ‬النية‮ ‬فكتها‮ ‬عملت‮ ‬انا‮ ‬بأصلي

فلوس‮ ‬الدرس‮ ‬ولا الأكل‮ ‬مش عارف‮ *** ‬رجع ابني ومتلخبط طردوني من فصلي

وتسألني عن المليار قول عايز فرخة‮ *** ‬اسكن هنا جنبي راح‮ ‬تسمع الصرخة

الرز خلصان وكمان‮ ‬الزيت والسمنة‮ *** ‬وفلوس‮ ‬بلا بركة‮ ‬تدوخ‮ ‬الدايخة

وتسألني عن المليار اخده الغراب وطار‮ *** ‬لقانا نايمين مد البعيد منقار

نخور‮ ‬ف‮ ‬أجسامنا‮ ‬وخد‮ ‬مننا‮ ‬الكلية‮ *** ‬ولو سكتنا‮ ‬شوية راح ياخد‮ ‬الممبار

تاني تقول مليار اصحي بقي معايا‮ *** ‬فتح‮ ‬بيبان‮ ‬عقلك‮ ‬للمرحلة‮ ‬الجايا

ما صدقنا وخلصنا من نظام فاسد‮ *** ‬مصر‮ ‬يله‮ ‬بتولد‮ ‬اطلبوا‮ ‬الدايا

أحمس صلاح‮ ‬عنتر مصطفي‮ ‬الكامل‮ *** ‬خلوا بنا مصر شغلنا‮ ‬الشاغل

دور‮ ‬مكنا يا عبس‮ ‬وشغل‮ ‬الوردية‮ *** ‬وازرع‮ ‬غيطاننا يا درش وللعمل واصل

سامح لطف الله
samehlotfalla@yahoo.com


http://www.alwafd.org/?option=com_content&view=article&id=32928

الأستاذ عطية الخضري
كلماتك محترمة وقارئ ممتاز وتعليقك أثلج صدري
الأستاذ صبري شرف
شكرا لك وجزاك الله خير الجزاء