فلاح راح يفلح

فلاح راح يفلح ما فلحشي
تلميذ راح ينجح ما نجحشي
أنا بعت جاموستي والبقرة
ولا باقي ليا غير جحشي
وسنين بتعدي ما بحسبها
وفلاحنا لسه ما ارتحشي
********************
ف العيد لو ندبحها الفرخة
ونحط ف جوارها المحشي
بنزقطط وعيالنا بتفرح
وأخيرا هتبات متعشي
ع الريحة الناس تحسدنا
ويقولوا دا عايش وما عاشي
يا حكومة لو منك نظرة
من أكل المش ما بنمشي
********************
وتقاوي الزرع كمان باظت
سرطان مبيداتي متقشي
إحمونا يا ناس بنبوس ايدكو
تنسونا والرب ما نامشي
وتقوللي إنتخب الريس
إبعد عنا يله إمشي
ولا شفنا علي ايديكم بركة
بلاويكم حاجبة الخير يمشي
الرحمة بنطلبها يا ربي
والناس في بلادنا ما ترحمشي

سامح لطف الله

http://www.misrelgdida.com/entries_readers/74422.html

http://c4wr.com/blog/?p=2734