تسلم والله يا فريج كلمات رائعة ومتغيبشى علينا يا بو حمزة..

الكلمات جميلة والشعر رائع
بس اعزني فيه قسوة شوية علينا
الحمد لله احنا في اي مكان فعلا بنتعامل بادمية والله احياننا احسن من معامله بلدنا
يكفي مهما كنت مخالف مفيش ابدا اهانه من الشرطة ولا المرور
تعال عندنا خليك ناسي البطاقة شوف لو قابلك ظابط مباحث
بلاش ظابط مباحث امين شرطة شوف اول حاجه هيقولهالك اية
العيب مش من البلاد اللي احنا فيها العيب من بلدنا وغصب عننا بنحبها
لاننا منعرفشي ام غيرها
وعجبي............

ابو محمود الرد الي فات كان علي لسان الاخ فريج عماره وبناءا علي رغبته في توضيح وجهة نظره ذلك نظرا لانقطاع النت عنده لعلي معدمك يابعد حي وحقوق الطبع محفوظه للمؤلف

شكرا ابو حمزه
كانت طالبة معايا نقد للوضع في مصر في ظل قانون الطوارئ
بالمقارنة بالدول اللي اقل ديمقراطية من وجة نظرنا واللي فعلا احسن مننا بكتير
في المعاملة
اعتزر لك هي جات فيك معلش
تقبل احترامي وتقديري

شكراً جزيل على هذه الكلمات التي تعبر عن واقع نعيش فيه بالفعل ولكن أصبحت بلادنا هي الغريبه على اهلها
fathalla sad

بصوا يا حماعه حتى لو احنا ملوك بره بلدنا هتفضل اسمها بلدنا وهنفضل مهما وصلنا بره تحت رحمه كفيل .ده اولا ثانيا احنا لازم يكون عندنا امل فى ربنا ان احنا قادرين نغير بلدنا ثالثا والله العظيم انا لو مت بره بلدى اتمنى اندفن في ترابها رغم ان مش هتبقى فارقه بس هحس وانا فى ترابها بالامان يا جماعه مهما كان وضع بلدنا سيئ لازم احنا ناخد بايدها ونساعدها ليه احنا دايما عايزين ناخد منها وخلاص لازم نديها لازم نحررها من الفساد اللى فيها لازم يكون عندنا يقين ان شمسها هتشرق مرة تانيه لازم نؤمن بقوتنا كشباب

وانا مش هلاقى احلى من كلام عم صلاح جاهين يعبر عن اللى جوانا
اسم مصر


على اسم مصر التاريخ يقدر يقول ما شاء


أنا مصر عندي أحب وأجمل الأشياء


بحبها وهي مالكة الأرض شرق وغرب


وبحبها وهي مرمية جريحة حرب


بحبها بعنف وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب


وتلتفت تلاقيني جنبها في الكرب


والنبض ينفض عروقي بألف نغمة وضرب


على اسم مصر


مصر النسيم في الليالي وبياعين الفل


ومرايه بهتانة ع القهوة .. أزورها .. واطل


القى النديم طل من مطرح منا طليت


والقاها برواز معلق عندنا في البيت


فيه القمر مصطفى كامل حبيب الكل


المصري باشا بشواربه اللي ما عرفوا الذل


ومصر فوق في الفراندة واسمها جولييت


ولما جيت بعد روميو بربع قرن بكيت


ومسحت دموعي في كمي ومن ساعتها وعيت


على اسم مصر


أنا اللي اسمي حتحـور .. أنا بنت رع


مثـال الأمـومـة ورمـز الحـنـان


تفـيض حـلمـاتي وتمـلا الـتـرع


وتسـقـي البـشـر كلهـم والغـيـطان


نهايته يا مصر اللي كانت أصبحت وخلاص


تمثال بديع وانفه في الطين غاص


وناس من البدو شدوا عليه حبال الخيش


والقرص رع العظيم بقى صاج خبيز للعيش


وساق محارب قديم مبتورة ف أبو قرقاص


ما تعرف اللي بترها سيف والا رصاص


والا الخراب اللي صاب عقل البلد بالطيش


قال ابن خلدون أمم متفسخة تعيش ليش


وحصان صهل صحى جميع الجيش


على اسم مصر



النخل في العالي والنيل ماشي طوالي


معكوسة فيه الصـور .. مقلوبة وانا مالي


يا ولاد أنا ف حالي زي النقش في العواميد


زي الهلال اللي فوق مدنة بنوها عبيد


وزي باقي العبيد باجري على عيالي


باجري وخطوي وئيد من تقل أحمالي


محنيه قامتي .. وهامتي كأن فيها حديد


وعينيا رمل العريش فيها وملح رشيد


لكني بافتحها زي اللي اتولدت من جديد



على اسم مصر

شكرا لمرور الاخوه الاعزاء جميعا ولكن مأود الاشاره اليه ان مصر ام الدنيا كما يقال وذلك حقيقه مش مبالغه ولكن العيب في الناس الي عايشين عليها ومصر مش العيب فيها دا العيب فينا احنا ودي الحقيقه بدون فلسفه والكل واضح له الكلام دا وضوح الشمس وعلي العموم انت لما بتحب واحد مش لانه الاحسن ولكن بتحبه مهما كان شكله او طبعه او لونه ودا نفس الوضع بالنسبة لنا وكل حاجه في بلدي تعجبني ماعادا الناس الاشرار الي فيها والمحسوبيه الي موجوده فيها وتقبلوا رأيي
مع تحياتي للجميع