ياللى بتقول عن اخوك يخاطبنى السفيه
اخوك من دينك وانته فيه
لو غلط فى مره سامحه
اوعاك فى مره تغلط فيه
لو عاصى خد بايده عشان تهديه
مهما يغلط قربه من كل مجلس انته فيه
يمكن فى مره تكسبه وتعلى بيه
خليك نبيه
دينك دا عنوانك لازم تفتخر بيه
دا انته مسلم ودينك ملوش فى العالم شبيه
امسح كل الغلط من قاموس حياتك وامحيه
اوعى تغضب زى ما عرفنا الرسول صلى الله عليه
الغضب شيطان اوعاك تطيعه هيدخلك فى التيه
خلى السماحه منهجك والعفو هيقويه
كلنا اموات يا اخويه
ولاشىء هتاخده فى الكفن تخفيه
ليه ترضى يفور دمك لما تغلط
متدوق حلاوه السماح والعفو واستمتع بيه
دا الغضب فى القلب بيصديه
اما التسامح بيحيا بيه
بينوره ويضويه
لو اخوك غلط وفات عليك ومقلش السلام ناديه
ردت انته السلام عليه
اوعاك تعاتبه انه غلط
ابتسم له دا فعل يرضى ربك بيه
كل خير يارب علينا قربه
واسعدنا يارب فيه
وكل لحظه والجميع بخير
ومن كل شر ربنا يكفيه
