الشهيد محمد مصطفي
يا باشمهندس مصطفي
ودعتنا ضاع الوفا
وعزانا إنك يا شهيد
مع الرسول المصطفي
***
أخلاق يا إبني تركتها
كل الصحاب تشهد لها
إن كان قريب أو كان بعيد
فاكرين حياتك كلها
***
يا طير وطاير بالجناح
رفرف بحلمك في البراح
يحلم أبوك انك هتنجح
وإنت الشهيد نال النجاح
***
ببعت رسالة لشعبنا
أمي وأبويا وأختنا
لا تزعلوا ولا تحزنوا
الجنة أحلي يا أمنا
***
لموا الإيدين ويا الإيدين
إوعوا التفرق بين وبين
وإرفعوا مصر الحبيبة
هاتوا الشيطان نخرم له عين
***
في الجنه روحي مشرفة
لوتعرفوا حجم الصفا
هتكبروا وهتهللوا
لبيك رب المصطفي
سامح لطف الله
بوابة الفجر
مصرس
المطرقة
