مصر والشعر الأبيض
دخلوا الوزرا لحلف يمين
بصيت بعنيا شمال ويمين
الشعر الأبيض هيجنني
كله معدي العمر سنين
***
أما شبابنا يا عيني عليه
لاشفنا وزير ولا شفنا البيه
إمتي يا ربي نشوفهم وزرا
هما الوزرا أحلي ف إيه؟
***
لو ف شروطهم شعر وأبيض
هصبغ شعري و لونه أبيض
يمكن ينفع ف نهار إسود
وهبقي وزير أو حتي مبيض
***
لما شباب الثورة وقاموا
هزوا الدنيا وبعدين ناموا
سابوا حقوقهم كله ياخدها
ف بحر دماهم غرقوا ماعاموا
***
كِتْروا الورثة عليكي يا ثورة
دارت الدنيا عليهم دورة
طلبنا عدالة وعيش حرية
عدي العام وكأنه مناورة
***
يا شمس الدنيا لونك إتغير
أيوه يا وطني هواك إتغير
ضوءك ساطع ريحتك حلوة
عمر الظلم تملي قصير
***
أول عيد بيعدي عليكي
حزن ف قلبك غموا عنيكي
وانتي يا مصر ما هنتي علينا
شبكنا إيدينا ويا إيديكي
***
حلفنا بربي لَنِوْصل بيكي
أعلي مكان في الدنيا دا ليكي
والحاقدين راح يسألوا ليه؟
قلبي وعمري يا مصر شاريكي
سامح لطف الله
http://c4wr.com/blog/?p=8639
