الشاب الثورى : أدعوك ياحاج للنزول للثورة الثانية يوم 25
المواطن الشريف : بس يا إبني إنتوا قمتوا بثورة كان شعارها خبز وحرية وعدالة إجتماعية ولحد دلوقت لا خطيتوا خطوة لتحقيق الحاجات دي ولا حتى قلتوالنا إيه خطتكم لتحقيقها ..
الشاب الثوري: ماهو لما نشيل المجلس العسكري كل المشاكل دي هتتحل لوحدها .. المواطن الشريف : طيب ولما المجلس العسكري يمشي مين هيمسك مكانه؟
... ... الشاب الثوري: حكومة مدنية
المواطن الشريف: ومين اللي هيختار الحكومة دي؟
الشاب الثوري : إحنا ..
المواطن الشريف : إنتوا مين ياإبني؟
الشاب الثوري : إحنا اللي عملنا الثورة وإحنا بس اللي لينا حق نتكلم ونختار ؟
المواطن الشريف: طيب وأنا يا إبني؟
الشاب الثوري: لأ إنت معندكش وعي كفاية ومش هتعرف تختار ..
يتذكر المواطن الشريف أنه سمع هذا الكلام عنه من قبل فيسأل الشاب الثوري : هو يا إبني مش ده كلام النظام الفاسد اللي إنتوا ثرتوا عليه
وهنا يحمر وجه الشاب الثوري من الغضب ويقول له: بس أنا مش زي النظام السابق..أنا مسرقتش ولا قتلتش ..
المواطن الشريف: ماهو إنت لسه ممسكتش حاجة .. دلوقت إنت لسه ممسكتش حاجة ومش متحمل النقد ومش طايق حد يخالفك في الرأي وعاوزنا نمشي وراك بدون تفكير وبتقول علينا ناقصين وعي وده أكثر الألفاظ تهذيبا وده نفس اللي كان بيعمله النظام السابق .. يبقى لما تمسك الحكم هتعمل أمن الثورة بدل أمن الدولة وتدخلني المعتقل بحجة حماية الثورة .. صح ؟ شوف يا إبني مادام أنا رأيي ملوش أهمية عندك والبرلمان اللي أنا إخترته مش عاجبك واللي إنت هتختاره برضه مش هيعجبك يبقى روح إنزل الميدان لوحدك .. أما أنا هافضل زي ما أنا باشتغل وباحاول أؤدي واجبي ارضى ربى
الشاب الثوري: ماشي يافلول .. ياحزب الكنبة يا أغلبية صامتة يا ..... الرقابة شالت الباقي

علي فكرة يا جماعة ربنا يعدي الايام دي علي خير لان الناس ربنا وحده هو الاعلم بحالها
ولك الله يا مصر

مشكور استاذ محمود فعلا ربنا يعدي يوم25يناير القادم علي خير

(اللهم الطف بمصر وأهلها اللهم حقق لهم مرادهم اللهم إصرف عنهم كل شر وسوء
وضرر ومكروه اللهم أنصرهم على من ظلمهم وحرمهم من جزيل عطائك اللهم وحد
صفوفهم ورقق قلوبهم اللهم إرفق بهم وبأبنائهم من الطغاة والمعتدين اللهم
إحقن دماءهم الزكية اللهم وحد كلمتهم اللهم أصرف عنهم كيد الحاقدين من بني
إسرائيل وكلابها اللهم أنزل عليهم رحماتك وأغمرهم بعفوك اللهم إرحم ضعفهم
وهوانهم وذلهم اللهم إرفق بضعفهم اللهم أنصرهم على من عاداهم من العرب
والعجم اللهم إحفظ عليهم انفسهم وأبناءهم وأموالهم ووطنهم اللهم إعلي
كلمتهم بالحق وللحق اللهم حقق على أيديهم نصر دينك اللهم إنهم خير جند
الأرض فأعلي شأنهم وهمتهم اللهم خفف عنهم مصابهم اللهم إرحم شهداءهم وإشفي
جرحاهم الله إنزل عليهم رحمتك وصبرك وجلدك يا الله هذه قاهرة المعز وارض
الكنانة ومهد الأزهر ومحبوبة العمرين و مهد كليمك موسى عليه السلام وارض
انبيائك من بني إسرائيل يوسف ويعقوب عليهم السلام وهي ارض أمنا هاجر ام
سيدنا إسماعيل عليه السلام ، يا رب إحفظها مما يكيده الخونة لها و لأهلها
يا رب لا غالب على أمرك فأنت الله الواحد القهار)
اللهم آمين اللهم آمين اللهم آمين

جزاك الله خير يا استاذ/محمود
اللهم احفظ مصر الحبيبه من الخراب والدمار

واحفظها من كل سوء

شاكر مرورك الطيب الكريم أخي الحبيب الاستاذ محمد فريج بقوش
شاكر مرورك الطيب المبارك أختي الفاضلة أميرة وربنا يتقبل هذا الدعاء ويحفظ مصر
شاكر مرورك الطيب الكريم أخي الحبيب الاستاذ عبد المحسن غلمش
وربنا يحفظ مصرنا الغالية

والله كدة شكلك من الفلول









بس لو كل الفلول بالعقلية دي

















يارب مصر كلها تبقى فلول

حبيبي عمدتنا الغالي ابو أمال
والله لقد أثلج صدري مروركم الطيب الكريم لأن تعليقاتك لها مذاق خاص هذه ناحية
أما الثانية وهي الأهم فالمنتدي له في وجودعمدته بريق شكل تاني
تقبل تحيلتي
ويا عزيزي
كلنا
(.....)
عاشت مصر حرة

اللهم آمنا فى اوطاننا وأصلح أئمتنا وولاة امورنا واجعل اللهم ولايتنا فيمن خافك واتقاك واتبع رضاك يا ارحم الراحمين
اللهم وابرم لهذه الامه امر رشد يعز فيه اهل طاعتك ويذل فيه اهل معصيتك
وبأمر فيه بالمعروف وينهى فيه عن المنكر

اللهم يامر فيها بالمعروف والانهاءعن المنكر دون جماعة الامر بالمعروف