فاكرينا ممكن ننسي

بتطولوا ليه ويانا
فاكرينا يمكن ننسي
ثورتنا جوة دمانا
مطالبنا ما زالت لسه
مركبنا هتمشي لبكرة
علي شط أماننا هترْسَي
وترفرف أعلام بلدي
ولنيلنا راجعه الهمسة
وأَلِفْ حبيبتي بقلبي
والضحكة لميته لامسه
وأخويا إيده ف إيدي
وعدونا مفروس فرسه
ونلاقي الموج دا بيجري
والرب داعينه حارسه
والشعب يلم صفوفه
وكفانا خناق وممارسه
وتخش فيرانا جحورها
والقط نجوزه عرسة
في الجحر يهِيص وياها
يمكن يتلم وينسي
والشمس تعود لمدارها
وقمرنا يدور يتمسي
ويلف بنوره حبايب
وف نوره تحلي الهمسه
مركبنا هتمشي لبكرة
علي شط أماننا المرسي

سامح لطف الله
http://gate.ahram.org.eg/User/Topics/7479/%D9%81%D8%A7%D9%83%D8%B1%D9%8A%D9%86%D8%A7-%D9%85%D9%85%D9%83%D9%86-%D9%86%D9%86%D8%B3%D9%8A.aspx