ترفع في وشي جزمتك ؟؟ .... مين حضرتك ؟؟
هو معقول تبقى مصري؟؟ ولا إيـــــه ملتـــك ؟؟؟
ليه نسيت إني حميـــــت لـــــــك ثورتــــــك؟؟
سبتك تثور عاللي باعونا .. آه ماجتشي ناحيتك ..
أمنت لك صوتك يا مصري .. وانتخبـــــــت برغبتك ..
... بقى ليك كرامة وصوت وصرخة .. قوللي إيه بقى حجتك؟؟
آخرتها تشتم جندي منك .. هيا دي بقى آخرتك ؟؟
بترفع في وشي جزمتك ؟؟؟ ..... مين حضرتك ؟؟
لو حتى ناسي كل ده .. افتكرلي حمايتي ليـــــك
سهري على حدود الأعادي اللي عايزين غدر بيك
إني شايـــل روحي دايماً فوق كفوفـــي ماهمنيش
كل حاجـــة تهون عشانك يابن بلــــدي ماتتـــئذيش
بتشتم امي ؟ ماهيا أمك برضه ياللي ماتختشيش
هاستحملك ..قدري كده أموت عشان غيري يعيش
هاستأذنك ... مايهمنيش شكرك ولا تقدير من حضرتك ..
لكن ياريت .. بلاش يا مصري ترفع في وشي جزمتك
