يا ولية عيب اتلمي مالك ....
داخلة فينا شمال
فهلوة وكلام مترتب .....
بس عيب يتقال
عاملة فهمانة ... قال وغضبانة
وتقولي فاهمة الحال
حال ... انهى حال !!!
حال البلد والناس ....
اللي مالها اساس !!
الناس اللي سحلو الوطن
وبالجزم انداس !!!!
هما دول الناس !!!
يا حاجة فوقي واعقلي ...
وافهمي ..
لو لسة ليكي اساس
لأ وتقوليلي ديك ابوهم وديك ابونا ..
طب ميتين ابوكوا وميتين ابونا ...
عارفة مين ميتين ابونا ...
وهما مين ميتين ابوكوا
ميتين ابونا شهدا رجال
حاربو العدو ... وعالحدود ابطال
دفعوا التمن غالي .....
وعلى ارضنا ولعرضنا الدم سال
هو انتي يعني ,والله فاكرة ان التاريخ اتشال !!
طب روحي اسالي بارليف ...
اسألي سينا وطابا وكل الجبال
طب بلاش .. روحي اسالي متقال
حيقولك .. ويدلك
مين هما ميتين ابونا ...
ميتين ابونا حررونا ..
مش بهدلونا وجوعونا وف اقتصادنا دمرونا
ميتين ابونا نسور الجو ..
اسود الارض ...
ميتين ابونا حموكي ....
وحموا ميتين ابوكي ارض وعرض
فهمتي مين ميتين ابونا ...
عرفتي مين ميتين ابونا !!
رايحة فين استني ....
معقولة تمشي ولا تعرفي مين هما بقا ..
ميتين ابوكوا !!
ميتين ابوكوا كانوا عند قسم بيحرقوه
ميتين ابوكوا عند بنك بيسرقوه ..
ميتين ابوكوا بيولعوا ...
وبيحرقوا وبيقتلوا ...
وعند الشرف ... يسحلوه
ميتين ابوكوا هما مين ... اقولك هما مين
سوابق ومدمنين ....
ميتين ابوكوا عالنواصي ووعالقهاوي ...
ف الخيم متلقحين
ميتين ابوكوا للي بيهد البلد ...
ايديهم ممدودين
اه بالحق .. عارفة المولوتوف !!!! ..
اوف اوف لو تعرفي بس انتوا مين
عاملة يعني بميتين ابوكي مش عارفة مين ..
ميتين ابوكوا !!
هما دول ميتين ابوكوا .. ودوكها هما ميتين ابونا
لأ وتقوليلي ديك ابونا وديك ابوهم ..
طب يا حاجة متزعليش ...
ميتين ابوكي على ميتين ابوهم