غبت افكر
ولساعات كان انشغالى
سألت نفسى
انته بتفكر فى ايه يا غالى
بفكر فى شىء
ساعات مثالى
وساعات ضلالى
وساعات بيظهر
لما الشمس
تبدأ تلالى
اقف يقف
لما امشى يمشى
ولو اختفيت راح يختفى
ولو انكفيت راح ينكفى
وساعات يزول
لما الشمس تنطفى
ولو ظهرت
يظهر طوالى
ساعات ورايه
وساعات امامى
ساعات يمينى
وساعات شمالى
نسخه منى بيوريهالى
لو اجرى يجرى
لو مره نمت يعديهالى
عفريت وبس
ملوش مثيل
ساعات قصير
وساعات طويل
ساعات سمين
وساعات ضئيل
وساعات بحجمى الحالى
على طول سواد
ولامره كان ابيض
او لونه خالى
ممكن على طول اكلمه
او اسأله
لكن عمره مجاوب عن سؤالى
امسك بيمسك
اسيب يسيب
لكنه ضل قلبه خالى
مقدرش اسيبه
او يسبنى
علشان خيالى
قصدى
صوره من ظلالى
_________________
عطيه خضرى عطيه
قلين / كفر الشيخ
