حتّي إنتي يا فراخي
الفقير قال يا صراخي
حتّي إنتي يا فراخي
قلنا بيضة مش مهم
والوزير ليه حبله راخي؟
***
البحور حوالينا ياما
بدري والله ع القيامة
والسمك ف النيل توحش
والفقير يلَّه السلامة
***
الوابور مش لاقي جاز
بنتي عايزة ف يوم جهاز
والطابور واقف لبكرة
إسرائيل تطبخ بغاز
***
أصل عقلي مني خرَّف
قالوا طق وقال تطرف
قالوا فقرك منه فيه
ف الأمم إنتا مصنَّف
***
دخل يومي وَنْ دولار
فول ومش يجيب زحار
تحت خط الفقر واقف
غطي راسك م الغبار
سامح لطف الله
