بص يا شاطر
بص يا شاطر
الحمل تقيل
عاوز الشاطر
كلمه بقولهالك
جات ع الخاطر
فكر تانى
اصلك بتخاطر
الاوضاع مقلوبه صحيح
عاوزلها مساطر
عاوزلها ايادى حديد ومقاطر
اوعاك تتحمس
وتشيل الوذر
وانته تاريخك
كان ناصع عاطر
الحاله ف مصر
متسرش حد
والجو ملبد
غايم ماطر
كنت ف اخوانك
انته الزاهد وانته العابد
كنت الصايم عن الهفوات
لكن الاوذار دى عاوزه الفاطر
عاوزه السيف
القاطع باتر
حمل تقيل مليان بفساد
محتاج له فلاتر
انته الحر
عاوز تترشح وتشيل الوذر
قوم اترشح ربنا ساتر
يمكن على ايدك
الوضح الساخن
يصبح فاتر
الاحوال مش هيكفيها
عنتر واحد محتاجه عناتر
مش محتاجه لوطنى
يطلع من تانى
يلبس اخوانى
ولاعايزينه حزب انانى
لازم تسمع للرأى التانى
لو ناوى خلاص
اسمع لخوانك
شاورهم شاطر
كلمه ولله جات لى على الخاطر
_________________
عطيه خضرى عطيه
قلين / كفر الشيخ
