انا رحت الميدان وقعدت هناك وكنت بدور على اى مزيعه مزة عشان تصورنى وخليت صاحبى صورنى فى الميدان ونزلتها عالبيدج بتاعى وصحابى وصحباتى عملولى عليها كومنتس كتير والاستاتس كانت جامده اخر حاجه عشان كده انت تخرس ومتكلمنيش وانا بس اللى فاهم
****
انا مزيعه فستك ب 3 استك وفتله قالتلى وانا بتصل عالبرنامج بتاعها الناشط السياسى بيتصل بينا انت مش واخد بالك ولا ايه عشان كده اخرس وانا بس اللى فاهم
****
اانا قريت 3 كتب فى الدين وقعدت مع الشيخ مره فى مصر ومره فى كفر الشيخ وحفظت 3 او 4 اسامى شيوخ عشان كده لما اقلك انت كافر تخرس ومتتكلمش عشان انا فاهم وانت مش فاهم حاجه
****
انا بلبس كوتونيل وبنطلون ضيق من تحت والبوكسر باين كده انا شاب كول وروش ومن شباب الثورة وانت موضه قديمه اخرس مانتش فاهم حاجه
****
انا بس اللى فاهم ووطنى وانت مش فاهم حاجه
شعااااارات المرحلة اللى عايشاها مصر
85 مليون سياسى
85 مليون وطنى
85 مليون خاين
85 مليون عميل
85 مليون ثورى
كذب ونفاق وتضليل وحب للسلطه وحركات وحبشتكانات وجهل وتضليل وتخوين ولما تتناقش مع اى حد وانت مختلف معاه فى الراى بتلاقيه بيدور على كل الطرق يثبت صحة وجهة نظرة وان مقتنعتش يبقلا انت متخلف ومش فاهم حاجه
سواء ان كان سلفى ولابس جلبيه بيضه ودقن وشال مفتوح وهو ده مظهرالمسلم من وجهة نظره غير كده
او كان اخوان بيقول سمعا وطاعه والغى مخك طبعا ده اللى بنفهمه ممن يقولوان اننا اخوان او شباب الاخوان
او لبيرالى المفروض انى ماكلش لحمة والنصارى صايمين احتراما لحقوق الاديان وكمان هنزل كلمات من الانجيل دى دعوات كويسه ومفيهاش حاجه وكلام ربنا
او مجلس عسكرى خايف يكون مصيره مصير مبارك بعد انتخاب الرئيس لذلك بيسعى جاهدا لتفصيل ريس بالمقاس
والغالبيه بتقول
انا شعب مغلوب على امره مش لاقى لقمةت العيش ولا عارفين نعيش والفرخه ب 50 جنيه واللحمه ب 70 انا شعب عاوز نعيش بكرامه وحريه وبعزة نفس كنا بنحلم بيها بعد ثورة النور
ولكل الاسباب دى بقى لسان حالة بيقول للثورة ( انا طفل اتعلق بيكى فى وسط الزحمه وتوهتيه )
طبعا الكلام متلغبط ومش مترتب لانه اكيد محدش فاهم حاجه خاالص
من غير قشدة
