اه ياقلبى يانه
اه يا غلبى يانه
العتمه زادت يامه
والدنيا عانده معانه
بنصرخ لها تعتقنا
وعامله مش سمعانه
حتى الحبيب القريب
معدش يامه معانه
وابن اللئيم العدو
امريكتو شمتانه
بيدبروا
ويخططوا
عايزينك
تمللى جعانه
حتى الاشقا العرب
سايبينها
عريانه
هللوموا ليه ع الشقايق
لما الولد يجحد
ويرضى لامه الاهانه
لما الولد يقسى
ويفرط فى الامانه
لما الولد بيبيع
ويرضى طعم الذل
ويعشق الاستكانه
لما بتيأس امنا
ودموعها على خدها
ومن ولدها قرفانه
لما يقطع ابنها
وخنجره ف قلبها
لما يمزق كبدها
ويقولها
هبله وخرفانه
يصعب عليها تبص له
ولاتضربه ولا تقتله
ولايوم طاوعها قلبها
ترفع قضيه تبهدله
وعينها بس
تبص له
بالدمع مليانه
والله يا ابنى مش انه
والله يا ولادى مش انه
دا كله من فعلكم
اما امكم غلبانه
ولاعمرها اتزينت
ولا طرقعت ف لبانه
طول عمره بتعزق
طول عمرها بتزع
طول عمرها عرقانه
اتجمعوا حوالين امكم
ياللا استروها
امكم عريانه
اه ياقلبى يانه
اه يا غلبى يانه
