يعنى ايه عيد الربيع
يعنى ايه عيد الربيع
والعيد تمللى يبقى بيكى
يعنى ايه يبقى الربيع
والربيع فرع ليكى
ف لمسه ايديكى
وخوفى عليكى
ف لهفتى
وشوقى اليكى
ف الرحمه والطيبه
اللى فيكى
ف نبض قلبى
لما بالحب يناديكى
فى انفاسى
لما بتحتويكى
ف السعاده والحب
اللى ماليكى
ف الفرح اللى احسه
يوم ف قلبى
اللى شاريكى
عيد ربيعى
ف غناويكى
فى الحنان
اللى ف عنيكى
فى فرحه الدنيا
اما اشوفك
لما اصحى من نومى
وافتح شبابيكى
لما احسك جوه قلبى
فى نن عينى
وبرموشى اغطيكى
فى الغضب
لما اثور ف يوم عشانك
كاينى بركان
يحرق عدويكى
فى بسمه الطفل الرقيقه
لما يوم بزعلك
واروح اصلحك وارضيكى
فى خوفى ورعبى ولهفتى
لوغبت يوم
ومش عارف اراضيكى
انا روحى فدا عيونك
وفوق روحى كمان قلبى
وحبه عينى ترضيكى
عيد ربيعى
يوم تخلص بلاويكى
يوم يخلص
الناس اللى فيكى
يوم ميعطروا نيلك
عشان يزرع اراضيكى
==========
