ياقلبى يامه
فوقى يامه
فوقى يامه
فوقى يامه
امكم اغمى
عليها هتسبوها
حرام عليكم فوقوها
اسندوا امكم
يا ولاد بسرعه
ووقفوها
واللى هانت يوم عليكو
وهتبعوها
ناسين كلام النبى
صلى رب الكون عليه
ف مجمل حديثه
قال لكم ايه
امك ثم امك
ثم امك
ثم امك
ثم ابوك
اعملوا بوصيه رسولنا
وارحموها
الاعادى بكل قوه
بيحصروها
هتسبوهم يحتلوها
ولاف عيونكم هتشلوها
وتنصروها
حتى ولادها
نبت ارضها بيقطعوها
اتوحدها يا ولادها
امكم بتقول ولازم
هتطيعوها
امكم بتتوه
بسرعه رجعوها
فوقى يا امه وفرفشى
ازمه وهنعدوها
امسحوا الدمع ف عيونها
وفرفشوها
ازرعوا الامل
وسط الميدان
عمروا الصحارى وازرعوها
امسحوا كل السواد
ف وشها الزاهى
وبسرعه ذوقوها
امكم غرقانه
هتعجلوا يا ولادها وتنقذوها
ولا هتسبوها
وتغرقوها
مصر اللى كانت
بين الامم بيكرموها
على ايد ولادها
فى النهايه بيذلوها
مصر العزيزه
اللى بالكنايه
كانوا يوصفوها
مصر العزيزه لى وطن
ولاكانت غنوه بيغنوها
امكم بتفرفر
لازم تسعفوها
قبل ما تضيع منكم
ولاعمركم تلقوها
ربنا ف قرانه كرمها
جا وقتكم
لاجل تكرموها
يارب هات حقها
م اللى خانوها
وحنن قلوب ولادها عليها
ويحبوها
من بعد ما نسيوها
واكفيها شر العدا
واحفظها
قوينا ياربنا
علشان نبنوها
واحفظ لها بناتها
وشيوخها
كمان وبنوها
وحنن قلوب اخواتها
يتسابقوا ويساعدوها
