ايه رايك يا ادمن نعمل اقتراح اللى يدخل ياخد جنيه وربع يعنى اهو نعمل تحفيز وتشجيع كده للمنتدى يعنى مثلا المنتدى حاليا فيه 1106 عضو زائر واتنين مسجلين فاحنا نعمل الاقتراح ده وطبعا الفلوس نلمها من جده هههههههه ولا انت ايه رايك يا احمد بيه ياخويه مهو جده السبب من يوم الواد مراح جده ومحدش بيدخل المنتدى وطبعا شويه شويه اللى يدخل نجيبله علبة كانز ولوحده وطبعا ابو صهيب حبيبى هياخد اتنين ليه واحده عندى من زمان والمستشار هيدفع 10 جنيه عشان نزل الموضوع بتاعه على موقع الاخوان ونزل هنا الرابط بس والاستا ذ محمود شهاب الدين عنده غدوه ليه عشان حبيبى والعمده ميدفعشى عشان ميخصمش من الراتب وطبعا الاستاذ محمود الحداد مسئول يلم خمسه جنيه من كل شاب فى الاخوان وعبد الرؤوف عباده يدفع 50 ويكونوا برايز ومحمد حسنى عنده جوز حمام لانه من يوم مشهد جات ولا حد سمع صوته ومحمد عرفه عنده خمس اكياس بطاطس من حايل وحسام الكاشف لو مدفعش مش هنتخب ابو الفتوح وتوحه المهدى يدفع 100 طبعا عارف هيدفعها لمين ومتنساش محمد اخوك ياد دفعه 200 ريال عشان فل كبير واجدع سلام لاحمد بيه اخويه عاوز اعرف رايه فى الموضوع ده وختاما تحية حب وتقدير لكل اخواتنا واصحابنا فى المنتدى نتمنى التواصل

قشدة

هههههههههه على كده هتغرم كتير ياعم محمد شكلك بتحبني .

كدا انا ليا جنيه

إشطة عليك يا محمد بيه يا اخويا

أحسن حاجة قولتها فى الموضوع ده
إن الفلوس تتلم هنا فى جدة

وانا من موقعى هذا أحب أن أضحى وأبدأ أنا فى لم الفلوس

وهانزلكم رقم حسابى علشان التحويلات المصرفية علشان نسهل على الاخوة المواطنين والمقيمين خارج جدة مع مراعاة فروق التوقيت ومراعاة فرق سعر التحويل
( ..... مش عاوزين نصب من أولها ....)

أنا مستعد طبعا للعشرة جنيه بس انا والله لم انزل الموضوع على المنتدي أولا منعا لاحراجكم انتم في السعودية انما اغلب الموضوعات بتنزل اولا في المنتدي لان ده بيتي ثم في موقع اخوان كفر الشيخ ،
عموما المنتدي فعلا محتاج تطوير وهو مع الوقت حيموت وفعلا محتاجين افكار لتطويره وانا قبل كده اقترحت افكار بس حنعمل ايه بقي
عموما موضوع دمه خفيف ومش غريب عليك يا حاج محمد يا حبيبي

وماله يا عم بقوش ميجيش فى نقلة بلوك هههه حبيبى
ونور من اولها ابرع بربع جنيه للثورة اهه صراحة مش مادى خالص اول واحد طالب بحقه
وحبيب الملايين برنس الجيل احمد بيه اخويه بيقلك مش عاوزين نصب من اولها لا واضح هههههه سوى قسم يا كبير نراعى بعضينا يعنى
حبيب الكل نوارة المنتدى محمود بيه حشله طويل العمر يطول عمره وينصره على من يعاديه تحياتى يا كبير واحنا عارفين اللى لينا عندك عشان كده بنهزر ههههههه ونستغل الفرصه بردك ونبعت سلام للاستاذ يوسف شهاب الدين ومحمد بيه يوسف السعدنى اكبر فل فى البلد واخويه الصغير كما احب اناديه دايما كمال بيه الكاشف والباش مهندس عبدالرؤوف الدرس والاستاذ محمود سعد واستاذنا الكبير حمدى بيك السعدنى وكول الناس بلا استثنا افتقدناكم ووحشنا نطمن عليكم تحياتى للجميع ولو نسيت حد اكيد حماده غلمش هو السبب هو احمد بقوش هههه

قشدة

يانهار ابيض دا انته نسيت واحد مهم جدااااا وهو عبده مراسلنا فى الجنوب

ماااشى وكمان سلام كبير لقائدنا حبيب الكل محموود بيه النجار وللبرنسيس ريماس

واجدع تحية لسيد بيه حجاج ابو الزهراء
ونقوول

قشدة

كل ال انته عايزه ياحاج محمد احنا تحت الامر والطلب بس ذي ماقال احمد عقل ان الفلوس تتلم في جده هههههه/ياريت المنتدي يرجع ذي زمان لانه الان اصبح ذي البيت ال من غير سكان

شكلك دخلت في اجواء الفرح يا ابو حميد
متنساش انا اللي هزفك انشاء الله زي ما اتفقنا

استاذى وحبيبى استاذ محمد طبعا يشرفنى ويسعدنى يا استاذنا وربنا ويخليك وخلاص احنا على اتفاقنا ان شاء الله وعقبال عند ك ياااارب وتنور الدنيا كلها يا ريس
ايييه يا بقوش انت مش واخد بالك من كلام الاستاذ محمد ولا ايه بيقلك الفرح قرب متركز يا مان ههههههه

قشدة

إشطة يا معلم ... أبو قسم من دوقتى واحنا لسه بنقول يا هادى كد
........
عموما هى مبقتش أبو قسم
بقت أبوتلت علشان محمد فريج موجود
ومن حضر القسمة فليقتسم

ويا خوفى تبقى المرة الجاية ... ( أبو ربع )
ماهو احمد بقوش يعتبر من جدة بردك

أولا تحياتي لكم أحبتي الافاضل جميعا
وبعد
برغم كلماتك التي تحمل بين سطورها روح الفكاهة والدعابةأخي الحبيب الاستاذ محمد الجرن
الا اننا نعيش فترة جفاف لا اتمناها لمنتدانا العظيم والذي زاد اللحمة بيننا وعارف فيه صغيرنا علي كبيرنا ولا يجمعهم غير هدف واحد الا وهو الارتقاء بهذا المنتدي
عودوا لمنتداكم تعود الارض للدوران وفق الله الجميع
طبعا أخي الحبيب الاستاذ محمد اي وقت الغدا موجود
تقبل تحياتي

تسلملى يا ابو محى بارك الله فيك وان شاء الله تعود روح المنتدى ويعود المنتدى للحياه وحقا هو سؤال بيطرح نفسه لماذا يتابع جميع اعضاء المنتدى المؤثرين المنتدى كزائرين ولا يقومون بالتواصل نتمنى التواصل وان نعيد منتدانا للحياه

واحمد بيه اخويه ممش عارف ياخى الناس بقت ماديه كده ليه يعنى بقوش علطول قالك كويس انها فى جده محدش بقى ساهل خالص ياخى يلا الله كريم

قشدة

شكلك عايز تلم من المنتدي علشان تدعم عبدالمنعم ابوالفتوح هو وعدك بمنصب ولا ايه ان كان كده ماشي منصب لابن من ابناء البلد وكمان مقرب مننا يعني الموضوع فيه فائده ههههههه‏*الدنيا مصالح ياكبير

راح زمن المصالح
اهلا بعودة رواد المنتدى
استاذ محمد عبدالمنعم حضورك يشرفنا
نعم لعبدالمنعم ابو الفتوح
ولا للفلول فل فل فل ومن اولهم اخي الكبير
واخي الصغير ابو اكرم
واكبر فل ادمن المنتدى واخوه

هههههههههههههه ... عيب عليك يا عمدة
أنا فل بردك

ده أنا ثورجى طوووول عمرى

حتى إسأل الحاج الكبير

اييييييييه ابو اكرام أسساااحبى هو انت فلوووول ولا ايييه مكانش العشا
ههههه

لا يا عمده ده احمد بيه اخويه ثورجى من ايام الجيزه
والله يرحمك يا استاذ بسيونى

هو الواد بقوش الكبير ده اكبر فل فى البلد ده بيقول اهلا بيك يا ابن مصر عالفيس توك كمان شويه هيقول اهلا بيك يا ابن الدايره هههه

قشدة

ههههههههههههههه
الله يرحمه بقى يا محمد بيه يا أخويا

وبعدين ده احنا إتلسعنا من الفلول انا والعمدة قبل كد وبالإسم .
فاكر ولا إيه ( يا محمد بيه يا أخويا )

اى والله يا احمد بيه يا اخويه بس انا استغربت العمده بيقلك يا فلول
يا نهار ااثود ينهااراثود ايه اللى جابب القلعه جمب البحر ايه اللى جاب القلعه جمب البحر

قشدة

اقتراح راااااااااااااااااااااااائع اخى جزاك الله خيرااااااااا

شاكر مرورك جدا اميره تحياتى وجزاك الله خيرا

شدة

العفووو محمد بس انا عاوزه الجنيه هم دلوقتى 2 جنيه لانى دخلت مرتين وان شاءالله بكرة هدخل احسبها باقى وحاول على حسابى رقمه 000000 الرقم معاك وحاول كل جنيه هدخل بيه ههههههههههه
يلا تصبحو على خير

علم يا افندم وتم التحويل برجاء مراجعه الحساب
على انه تم خصم 10 جنيه ضريبه و 5 بدل مواصلات و3 جنيه بكشيش
و2 جنيه تسديد ديون مصر هههههه
اااى خدمه

قشدة

ما تفتحتش قوي كدة
شكلك هتروح من هنا في حديد

حياك الله يا كبير بشرك الله بالخير يا عمده هههه وربنا يسترها

قشدة

يعنى 20 جنيه خصم من اوله هو انا خدت ربع جنيه اصلا ضريبه وبدل سفر وبكشيش وديوان ليه ان شاء الله هو الحساب كان فيه كام جنيه من الاول

يا بقوش محمد مش نساني لكن محمد تناساني ودي للاسباب هو عارفها كويس ومنها ان كنت بقنعه انه يدي صوته للدكتور مرسي وهو كان مقتنع جدا بس اختلفنا علي السعر ... قولتله الجماعه بتدي علي كل صوت هنا 800رند يعني ما يقابل 100$ يعني حوالي 603 جنيه مصري وهو مصمم انه ياخد اكتر من كده عشان كان حد عارض عليه 700 ريال فقولتله استني اتصل الاول بالجماعه عشان اخد رأيهم لان انت عارف ان احنا رأينا مش من دماغنا وان فيه ناس بتسحبنا المهم خدت رأي الجماعه قالوا موافقين بس مايقولش لحد انه خد اكتر منهم فوافق بس بعد ما تعبنا معاه ههههههههههههههههههههههههههه

سيحت يا معلم ماااشى
وبعدين يا احمد بيه يا خويه الموضوع هيبقى ابو خمس وابو سدس هههه
بوظت الصفقه يا قائد عبدالرحمن ههههه
يلا هاخد الفلوس ومش هنتخب بردك
وبعدين انت كده يا عبود شكلك هتتفصل مالجماعه زى ابو الفتوح دانت هديت العارضه على راى احمد بيه اخويه هههه

قشدة

ههههههههههه يعني اختلفتوا على السعر مش كنت تتصل بيا الاول ياعبده كنا وصلنا لحل وسط يمكن كنت اقنعه بالمبلغ على العموم خلاص نتفق الانتخابات ال جاية يا اما فى الاعادة ..

سيحت ليه ياريس هو ال بيزمر بيخبي دقنه وبعدين يابقوش مافيش اعاده مرسي من اول جوله ولو بقي فيه اعاده السعر هيزيد يا معلم

ايه يا اميره انتى مبتحبيش مصر ولا ايه هههه كله من اجل الوطن

قشدة

استنى يا عم انت وهو خلينا نتفق من تانى
شوف يا عبده قدامك لحد الساعه 4 شوف السعر وانا هقابل ابو شهد هناك يلا كمان صوت اهه اوكازيون ههههه
وشوف كده يا بقوش ممكن لفلول يدفعوا اكتر مهم بيجيبوا من فلوس الدوله ههههههه

قشدة

سيني اشور وارد عليك قبل الساعه 4 اتفقنا؟

ههههههه كله خير لشباب مصر طالما السعر هيزيد سوف السعر هيوصل كام ب الرند عندك وحوله ل ريال سعودي مش ريال مدريد .

يا قائد عبدالرحمن مردتش ضيعت الصوت ولونه مش هيفرق معاكم لان الاتجاه هنا فاتحووون ان شاء الله

قشدة

يا محمد انت صوتك مضمون وال متعرفوش ان صوتك بيبقي فاتحون لحد ماينزل الصندوق بيتغير لوحده ل مرسيون

يتغير لوحده ليييه هو انا بصصوت بالصينى ولااييييه ههههههه
يلا يا عبود مش مشكله ربنا يولى الاصلح ان شاء الله ما شاء الله كان وما لم يشا لم يكن
المهم ركز انت فى الطياره بس اتدرب كده يعنى مالبلكونه وعيش حياتك
بس ابقى بل الاسفنجه هههه

قشدة

محمد عزالعرب كتب:

ايه يا اميره انتى مبتحبيش مصر ولا ايه هههه كله من اجل الوطن

قشدة

هو يعنى يا محمد بيه عشان براجع حسابى واشوف الخصومات اللى فى الحساب يبقى مش بحب مصر ولا انت بتعمل كده عشان متدفعش عاوز تخاليه خصومات وخالص ماشى يا محمد بيه هتنزل المرة ديه لاجل الوطن بس المره الجايه مش هينفع لازم تتدفع

ههههههه
خلاص يا ستى طالما عشان خاطر الوطن ندفع بس متقوليش لحد
ولوان الوطن ضيع خاطره كله عندنا بس يلا ما علينا
المهم انتى بس سجلى وراجعى الحساب اول باول
وخلاص معدش فيه خصومات عشان ديون مصر لانها مفيش افل فيها انها تتسدد

قشدة

اولا منورة الدنيا كالعادة والف حمد الله عالسلامة وكل الفلوس تحت امرك يا سلام ونخليها 3.5 وطبعا نبقى نقسم بعدين هههههههه
وبوكيه الورد ده انا مستنيه فى الفرح ان شاء الله وتنورى شباس حضرتك والاستاذ علاء
مرة تانيه الف حمد الله عالسلامة ونورتى منتداك

قشدة