اعلان النتيجه
=====
45 دقيقه
كاتم ف انفاسى
هم الدنيا كله
كان قاعد على راسى
45 دقيقه
مفيش نفس
ولا صوت لحد
كأن محدش
كان قاعد فوق الكراسى
والمستشار فاروق سلطان
عمَّال يقُول
لكن كلام
زى السلاسل من دهب
والبلاغه سبحان من وهب
مليان شموخ
مليان رَهب
كلامُه يثبت
ان العداله عمرها مهتتنهب
طمِّن مشاعرى واحساسى
45 دقيقه
كاتم ف انفاسى
اتكلم فى كل شىء
ولا ساب صغيره
رغم المشاكل والتلميحات
والاتهامات المريره
قال عدلنا موجود
واثقين فى عدل ربنا
من غير تعب أو حيره
بالعدل قال كلمته
حط الخُطا
تحت أفدام المسيره
والله زمان يا عُمر
العدل كان نهجك
والمستشار سلطان
سار على نهجك
رغم الدنايا الحقيره
واتحمل الالم
واتحمل الماسى
45 دقيقه
كاتم ف انفاسى
الحمد ليك يارب
رجعت لينا العدل
خلصتنا م الندل
يارب ليك الفضل
والظرف كان قاسى
اديتنا فاروق سلطان
لا بيهادن ولا يواسى
فى قلبه تقوى ربنا
ولخشيته مش ناسى
ضميره حى
وذمته بفته
وقلبه كان ماسى
مليون تحيه حب
للراجل الراسى
ولا عُمره يوم أخطا
ولا عُمره كان عاصى
عندنا مطلوب يا ريس
عايزين فاروق سلطان
يمسك وزاره العدل
لجل الميزان يتعدل
ولاحد يوم يا ريس
يبقى على مصرنا واصى
معلش لو طوّلت
ولو غلَّط قلمى
او خاننى كُراسى
45 دقيقه
كاتم ف انفاسى


_________________
عطيه خضرى عطيه
قلين / كفر الشيخ