اما اكله تفتح النفس بصحيح
شكل الفراخ
لون الدهب وكانها بجد
راح تنطق صحيح
لما هتاكل منها حته
هتقوم كانك زى ديك
عاوز تصيح
ولا شكل الرز
لونه فضى
تبص بس لشكله تستريح
ولا ريحة الشوربه الجميله
وفص الليمون
تحس انك ماشى وف عالم فسيح
اما شكل الباميه مش مُريح
لازمها صلصة تسبكها
وتديلها تصريح
دوق الفاصوليا
يااااااااااااااه
زى العسل
قوللى بجد خليك صريح
والملوخيه الذيذه
معلقه منها
هتطيب القلب الجريح
ولا المخلل
يا سلام على ريحته
مش كفايه تقول عليه مديح
ريقك جرى
حاس ياعم
دا وصف لوحه
واللى راسمها فنان فصيح
يادوبك تشوفها
ريقك يسيح
وتقوم حصان
حتى لو قاعد كسيح
ماهو انته لازم تبتسم
ماهى الحياه لازم لها التفاريح
_________________
عطيه خضرى عطيه
قلين / كفر الشيخ
