انته وهِيِّه
صبى وصبِّه
شعبان وصفيه
قوم نتعاون ع الاميَّه
هتكون نفسك
لما هتتعلم
ولا انته تحب التبعيه
مهما بتكبر راح تتعلم
والتعليم بيفتَّح مُخَّك
هتكون ناصح راح تتكلِّم
راح تتصرف
وف كل حياتك
تعرف تتعامل
وبحب تسلِّم
رب الكون فى القران
نعم المُتَكَلِّم
انزل( اقرأ)
علشان (أقرأ) فرض عليك
واجب تتعلم
دا التعليم شمس مضَّوِّيه
انته وهِيِّه
صبى وصبِّه
شعبان وصفيه
قوم نتعاون ع الاميَّه
هتكون نفسك
لما هتتعلم
ولا انته تحب التبعيه
يعنى هتفرح
لما هتبصُم للنصَّاب
لما يقُولك بيع الارض
ويكتب عقد يكون كدَّاب
يقولك ميَّه وحاطط عشرة
ويقول خسرانه
لجل تصدَّق
وهوبيحلف على كل كتاب
دوانته تصدق
وتبصم على طول
وبعدها تندم
ولاعاد ينفع لوم وعِتاب
ولاراح تاخد
حقك ف قضيه
انته وهِيِّه
صبى وصبِّه
شعبان وصفيه
قوم نتعاون ع الاميَّه
هتكون نفسك
لما هتتعلم
ولا انته تحب التبعيه
لو هتسافر
او يوم مرَّه تروح مشوار
لو تعرف تفرأ
راح ترتاح
ولا تسأل حد وتحتار
ولو هتفكَّر
هتكون متنوَّر
تعرف تتصرَّف
تعرف تختار احسن افكار
اوعى تقول السِّن خلاص
حاول تانى
بصدق واخلاص
تانى وتالت وبتكرار
العقل الواهى
من غير العلم راح ينهار
زى ما قالوا
ف المثل السايد
التكرار يبقى وسيله للشُّطَّار
قوم اتعلم
يرضيك ييجوا ف مرَّه
ويقولوا عنك انته حمار
وتسمع تأليس
من ناس مؤذيه
انته وهِيِّه
صبى وصبِّه
شعبان وصفيه
قوم نتعاون ع الاميَّه
هتكون نفسك
لما هتتعلم
ولا انته تحب التبعيه
