وحبيتك
كما حب العرُوق للدم
وبتعذب بنار حبك
لكن قلبى ماهوش مهتم
عشانك
ادوق المُر فى الدنيا
أو أشرب سم
و أستحمل عشان قربك
أدوق الهم
وأشرب غم
يادوب يكفى اشوف طيفك
كمان يكفى اكون ضيفك
على كلمه بتقريها
يكون فيها
بحبك يا خفيفة الدم
بفكر كل يوم أكتب
لكن خايف
وأقول عيبه ياواد اتلم
كفايه تشوفها قدامك
ولو تكتب يجوز تزعل
ولو تزعل
هيبقى حكم اعدامك
وراح تبعد فى يوم عنك
ونور عينك ومن حزنك هيضلّم
