مسترعطيه الخضرى معلومات اضافية الجنس :  العمل :  الاقامة :  العمر : 59 عدد المشاركات : 314 تاريخ الانضمام : 22/08/2011  رب انى مسنى الضر وانت ارحم الراحمين | | بصلة المُحب خروف 23/10/2012, 5:34 am |
| مانيش لاقى أجيب لى خروف
أنا نفسى أضحى ياناس
ولو هعمل ف يوم معروف
عاوز واحد يكون كبير
سمين معلُّوف
واوزع لحمه ع الفقرا
وانا منهم اخد نايب
واضحى ازاى
وانا مش لاقى للولاد مصروف
عشان الدنيا حبسانى
وقلبى بالهموم مكتوف
دانا مش لاقى اجيب عشه
عشان تسترنى أبات فيها
قاعد فى شقه مخنوقه
مع اولادى
وايجارها فوق العادى
سنين بدفع الوف والوف
صاحبها دا مبيحسش
ولايقدر لحد ظروف
راجل طماع
وكل شويه بيزوِّد
ولا بيحيد عن الكلمه ولا يحوِّد
صحيح حلُّوف
برغم الشقه مخنوقه
ماهيش ع الرووف
اصل الحظ فى الدنيا
صحيح أعمى وصحيح مكفُوف
برغم اللى حكيت عنه
لازم ادبح ولو بصله
دا بصلة المُحب خروف |
|
سامح لطف الله معلومات اضافية الجنس : العمل :  الاقامة : العمر : 38 عدد المشاركات : 165 تاريخ الانضمام : 10/11/2011 | | خروف اليوم 23/10/2012, 8:22 am |
| خروف اليوم ولا يساوي كمان بصلة
وشارب ملح بالهيلة واكل أصَلَة
ملوه بالغش كام كيلو علي الماشي
فنون الغش ما انسابت ومتصلة
تسلم الأيادي |
|
