ليه؟
عمر الحلم يا صاحبي ما له مواعيد
بينخور جوة دماغك ف تقوم مفزوع
من أكلة تقيلة وجايز من كتر الجوع
ليه حتي الحلم يا بلدي مبقاش مشروع؟
ليه كل ما نمشي بنتكعبل في خيال الضل؟
ليه كل ما اشد الخطوة لفوق عزمنا بيقل
ليه دوشة كتيرة وخاطفة تباشير العيد
ليه كل ما تيجي الحرية الفقر يزيد
ليه أسمع صوتك وصراخك في ليالي العيد
كلماتك بتشعلل جوايا النار
بتخلي العيشة يا صاحبي سواد ومرار
وتدفي النور اللي ف قلبي فأزيد إصرار
سامح لطف الله
