نكسر وراك قلة

بجد شايف أمرك
واحترت والله معاك
شايل هموم بلدك
مفروض نشوفكوا هناك
قاعدين علي القمة
بنهرس الأشواك
قايل لأخوك يفرح
حضَّرت يلَّه دواك
إرمي خلاص كسلك
والقلة م الشباك
يمكن يكون أملك
تتغَّيَّر الصورة
وتنط م التالتة
تصقف المقصورة
ملعبك الأخضر
تزيِّنه الكورة
أصل الحكم صفَّر
وف وقتنا الضايع
واللعب ع المكشوف
والثانية بتعدي
عايزينها ف الشبكة
إصطدت لك سمكة
والنيل بيكرهني
من قعدتي السودة
ع الشاشة أتفرج
أراجوز وبيهرَّج
جايب لنا المَخْرَجْ
واهي أزمة وتعدي
ليه ساكته ما تردي
ليه تحفروا لَحْدي
وتقولوا هنعدي
من ضلمتي السودة
وهتوسع الأوضة
والفجر له تكبير
قوم صلي ف يومك
وادعيلنا من قلبك
لو رأيي مش عاجبك
إكسر ورايا الزير

سامح لطف الله