لما أنته عاوز تستقيل
والتانى برضه هيستقيل
مين هيبقى فى حملها
لو حملها
كان يوم يميل
لما انته مش عاوز تشيل
والتانى مش عاوز يشيل
جرى ايه يا مصرى
مين يشيل
مش هيه دى مصر الحبيبة
اللى مذكور اسمها
فى محكم التنزيل
وف التوره
وف الانجيل
مش هيه دى مصر الحبيبه
ارض الهرم والنيل
كان دمها زى العسل
على قلبكم
خلاص بقه دمها
أصبح تقيل
خلاص تتخلوا عنَها
وجسمها لساه عليل
بالله عليكم اسمه ايه
لما بتسيبوا أمكم
ولدها مش قادره
تتسند عليه
لما تتنازل شويه
والتانى يتنازل شويه
راح يجرى ايه
لما تتقابل ارائنا
لما يتجمَع ولائنا
لما النعم
تتحاور مع لائنا
لما نتجمع بحب
ونمسح الغيم عن سمائنا
لما التلاقى والمحبه
يبقى منهاج الحياه
يبقى نورنا
ويبيقى مائنا
لما نتصالح بحب
وتتحقن حُرمه دمائنا
لما تتشابك ايدينا
لجل ما نرفع بنأنا
لما نزرع الامل
ونقول بدأنا
لما هيبان انتمائنا
لما تشرق شمسنا
ويبان ضيائنا
واصلنا الحلو النبيل
لما أنته عاوز تستقيل
والتانى برضه هيستقيل
مين هيبقى فى حملها
لو حملها
كان يوم يميل
