هتروح لفين ؟
صاحبك جنيه بيموتوه
علشان يعيش البيه دولار
وخير بلدنا بينزحوه
من بورصة في عز النهار
ياجنيه ما عاد بينا الوداد
بطَّل هزار ويَّا الكبار
م الفول يدوبك كبشتين
وتجيبلي نقطة م السولار
هتخس تاني تروح لفين؟
من إمتي كان بينا عمار
أيام زمان كنت البريمو
ويكش جنبيك الدولار
دلوقت بنطبطب عليك
ونهار أبوك أسود نهار
إصحي وقوم وحياة أبوك
هيفوتنا ويعدي القطار
ليْكون دا حلم أو كابوس
أو حتي نكتة أو هزار
سامح لطف الله
