أنا كنت رايح قطر
لكن منعنى المطر
حسيت بقلبى انفطر
معقوله أسيب مصرنا
وهى لسة ف خطر
ما أشلش ليه قهرنا
وأحميها أنا م الخطر
من المغول والتتر
والفقر اللى فيها كّتَّر
اسيبها أنا وأمشى
والتانى يسيب يمشى
وجرحها مفتوح
ماسكين لها كام cutter
م الصبح قاعد
عطيه
ولا كل ولا فطر
الفكر بيودى
وأهو فكر بيعدى
قاعد وشايل هم
ودموعى على خدِّى
والعقل والله انشطر
شطر يقول سافر
والتانى يمنعنى
حاول كمان عافر
خليك صبور يا ابنى
أصل انته مش كافر
ربك هنا موجود
رب الكرم والجود
كرمه مالوهش حدود
ربك هنا وهناك
اصبر هيبقى معاك
اسعى فى كل مكان
واعمل ما بالامكان
رزقك هنا وافر
واهو البلد بادئه
برغم اللى كان بيها
ربك بيحميها
محدش يجوع فيها
وربنا ستَّر
وكل بيت فيها انستر
والتاريخ يامه سَطَّر
_________________
عطيه خضرى عطيه
