يا مغنواتي
حبيبي ليه شايفك ساكت
دي الشوكة بتنخر و ف رجلي
مش برضو لجنابك شاكت؟
سمعنا ياريس تفكيرة
دي القعدة هتحلي وكبيرة
فكرنا بأدهم ويّامه
فكرني بنخوة والغيرة
***
حذرنا من لبس العمة
يفتونا بالفتحة وضمه
ولا شايف نقلة ولا همه
والدقن كمان طلعت عيرة
***
سمعنا ياريس واطربنا
ما تداوي جراحنا وطببنا
طبينا ولاحدش سمي
ودخلنا الخية وشربنا
***
سمَّعنا وصحيلنا ليالي
فوَّقنا من نومنا الحالي
أحلف بنفيسي والغالي
راح ترجع بلدي كأميرة
سامح لطف الله
