ريسنا مرسى
عيشتنا فى وهم وخديعة
فين الوعود
فين الشريعة
ايه اللى مانعك
بالله عليك ايه الذريعه
جبناك بثوره
كات شوره زفت
وميت قطيعه
جبنا تِعَدِّل
حولتها من سوء لسوء
لحد ما صبحت فظيعه
لحد امته الناس مُطيعه
الناس هتسكت
وهييجى وقت وتنفجر
والثوره تفضل
وهتحذفك لومستطيعه
هتقول لربك ايه
لوتقابله
ولا لك شفيع
ولا لك شفيعه
هتقولّلُه ايه
عن اللى جاعوا
واللى ضاعوا
واللى باعوا
واللى للحرمات
ما راعوا
والبلطجى
مدِّيت ذراعه
كسَّرت
للمركب شراعه
حولتها لمصر الضياع
من بعد ما
كانت بديعه
حولتها لمصر الشنيعه
حولت ناسها
وكأنها مزروع اساسها
كفار وشيعه
زودتها بمر وجيعه
حولتها لسراب بقيعه
وزرعت
بين ناسها الوقيعه
ضيَّعت من مصر المكانه
خليتها فى
ذل ومهانه
من بعدما كانت رفيعه
شمِّت فيها الامريكان
والافريكان
وحتى صهيون الخليعه
=============
مستر /عطيه خضرى عطيه
قلين / كفر الشيخ