للسخريه من الوضع المُبكى الذى وصلنا اليه وكنا نتصور أن عدل عُمرسوف يعود وندمنا أشد الندم اننا اعطينا الصوت لمرسى ووالله أنا لا انتمى لاى حزب ولا جبهة الزفت لكننى انقل بالنص ما يدور بين الناس واحاول تصوير نقمتهم على من يحكمون
أدينى عقلك كيف يتمنى الناس لصا كان يحكمهم أن يعود ويكرهون أماما يقول جماعته انه عادل هل اصبح ما يفعله من غلاء وبطاله وانعدام امن و ........و..,,ووالله انا اشفق عليه من هول الدعوات واخاف على بلدى مما هى فيه فالثوره جائت من بعد ضغط استمر سنوات قبيل الانفجار ولكن الرئيس الحالى يريد التعجيل بثورة اخرى لا ادرى لصالح من وحسبنا الله ونعم الوكيل
----------------------------------------------------------------
جوده بيشكى
وحوده بيبكى
وبنت خالتهم
قاعده بتحكى
كان شىء مُبكى
بس يا حوده
وانته ياجوده
بنت خالتكم
فين موجوده
راحت تحكى
ظروفنا السُوده
وبتتمنى لحُسنى العوده
كان الشعر
سبايل سارحه
صبحت كُوده
الصرخات
مش محتاجه
تكون مردوده
والاعصاب
صبحت مشدوده
بيقولوا الطاغى
لما يزيد
يصبح عُمره أيام معدوده
مصر كبيره مش محدوده
مش هتأثر فيها الدوده
ومهما يكون الحزن عسير
والقلب كسير
من غير تفسير
جايه الزرعوده
ماهى مصر ياعينى
دايما موعوده
اصل الناس دى
بجد خلاص
ولافيه اخلاص
ولاباين يوم لبلدنا خلاص
سرقه ونهب
ومناصب عليا
وسلاح ابيض
خرطوش ورصاص
والعضلات دايما مفروده
اما بلدنا رب يقويها
من ازماتها ويعديها
ويبارك فيها
انته يارب الامر اليك
انته كفيلها
وانته حاميها
من حراميها
عفوك يا كريم
مين غيرك ربى
راح يدِّيها
الناس بتحسبن
وبتدعى بجد
ولاعاد نور
ولاعاد غاز
ولاعاد جاز
وفصيل واحد
لناسه بينحاز
ولا شىء اتغير
ولافيه انجاز
حتى الام الغاليه حبيبتى
جُم ضربوها بالعُكَّاز
وانذلينا
من بعد ما كُنَّا
على مصر عُزاز
الاخوان بتقطّع حته
والحته التانيه
الزفت الانقاذ
برغم الثوره
ما كات اعجاز
من بعد الثوره
شافوا مصالحهم
واللى صالحهم
وبدأت مصر ف الاستنفاذ
والمساكين عايشين ألغاز
طاب ليه يا ابنى
بتقتل ف أمك
مش وصَّاك المولى عليها
والمساكين بتجوَّع فيهم
حتى اللقمه
ما تكفيهم
يرضيك يا ابنى
كل صغير
يدعى عليك
ويحسبن فيك
ويقول فوضنا الامر
لربنا فيك
الانبوبه بعشره جنيه
ومش لاقيينها
والتموين هينقَّص فيه
حتى العيش
قالوا الفرد
هيبقى تلاته
ولو فيه ضيف جاى اليك
اطلب منه يجيب العيش
ويجيب السكر ويَّا الزيت
بقه دا يرضيك
بتبيع ناسك وتجوعهم
بتبيع شعبك
اللى بحب
وفرحه شاريك
من غير شعبك
مين يدّيك
الشعب بجذمه
بيضرب نفسه
أنه ادَّالك
ولافيه غيرك تانى
من حزبك
راح ياخد
صوت
ولو هنموت
ياللى منعت عنَّا القوت
حولت الشعب الصامد
لذليل هلفوت
بقه بالسَّاهل
فاكر هتفوت
كان قابلك حسنى
وقبله الفرعون
ولاواحد
خلد
ولادام ملكوت
كلنا هنموت
واللى هيفضل
عملك
ومصرنا باقيه
مش مهدوده
====
عطيه الخضرى