لوغاريتمات
راجل ناقص
زائد شلة مستشارين
***
ضارب عرض ف طول
قاسم بينا حدود وفصول
طارح فاصل
حد ما بيتا غير متواصل
سادد ودنه
رافض يسمع
كل عشيرته نازل يجمع
خطة لضرب المصريين
***
يقسم بينا ما بينهم
إحنا الكفرة مش علي دينهم
يدعوا علينا يرد وراهم
كل عشيرته ترد آمين
***
ناصر سوريا
ينصر دينه
مصر بلدنا!!!
مش فاهمينه
وكسة قوية كلامه يدينه
هي معادلة ناقص زائد
يضرب فينا بعرفه السائد
يقسم بينا ما بينهم
إحنا الكفرة مش علي دينهم
ضرب إهانة دم ما يفرق
إلا عشيرته مين هيهينهم
لوغاريتمات ولا حدش فاهم
إنتو صحيح م المصريين؟؟
سامح لطف الله
