هولع في مراكبها

وما سبنش لينا ولا كلمة
ف بحر عنيها نكتبها
أخدت معاها مركبها ومجدافي
وسايبني ف الهوي حافي
كما "طارق" *شطوط عدي
يولع في مراكبها
يقول لجنوده هتحارب
ما عادش وراكوا غير ميه
وقدامك تاريخ كاتب
علي رموشها أنام واصحي
وشارة النصر ف جبيني
بحب عيونك الحلوة
بحب عيون تلاغيني
بحب النظرة تسرقني
بلا كلمة تناديني
علي رمشك بنيت قصري
وف النني تخبيني
وواقفة رموش بتحرسني
وجوة الجفن تحميني
حرقت الدنيا والمركب
ولجل عيون هتشقيني

سامح لطف الله

* طارق بن زياد


https://www.facebook.com/pages/Samehlotfalla1/111239802312734