بابايا ف قسم كرداسة!!!
بابايا ف قسم كرداسة
بيحمي الأمن ف حراسة
عشان الناس تنام آمنة
كإن الشمعة ونّاسة
خرج للشغل قام باسني
وخدني ف حضنه ونّسني
وقاللي كبرت يا راجل
ضغطني ف صدره حسسني
أنا لسه سنين خضرة
ويوم الحمعة نتفسح
كفاية العيد ما عيِّدتش
بإذن الله راح أفرح
إيدين الغدر خطَّافة
بحقد الدنيا تتوصّي
هجوم كاسح علي الشرطة
في حلقي خلاص بقت غصة
تفكرني بسادات واقع
في وسط جنوده ف منصَّة
ما تقفل يلة كرَّاسة
ستارة ونازلة يا حصّة
يا أمي خلاص ولا دمعة
وهدفن حزني جوايا
يقولوا يا أمي إسلامنا
وقتل أبويا إسلامي؟
دا إرهابي وبيكبر
وبيدخن رصاص أغبر
ومتوضي عشان يقتل
مربي الدقن قال منظر!!!
سامح لطف الله
