مستخسرين فيَّه النعم
يرضوكى يعنى
يحرقونى
ويقطَّعونى
يحجبوا النور عن عيونى
منتُش ولادى
مش أُمكم
بالله عليكم فهمونى
هوه اللى فيكم
دا مش دم
مستخسرين فيَّه النعم
بقه ربنا
وصَّى عليِّه
والرسول قال امكم
ثم امكم ثم امكم
هىَّ الوصيه
انكم
يوم تعدمونى
ياخلق هوه
قولوا لعِيّالى
حرام عليكم أمكم
حرام تحاربوا بعضكم
تدُّوا فرصه للعِدا
وبتحرقوا بالشكل ده
يعنى كِده
يرضيكوا يعنى
أبات دموعى
ع الخدود متنكده
منتُش ولادى
خلاص بقيت مُتأكده
أبن الحرام
اللى يحرق قلب أُمه
ويشَمِّت فيها العدا
ولاهمه يوم أبنه وأخوه
ولاخال و عّم
مستخسرين فيَّه النعم