مسترعطيه الخضرى معلومات اضافية الجنس :  العمل :  الاقامة :  العمر : 59 عدد المشاركات : 314 تاريخ الانضمام : 22/08/2011  رب انى مسنى الضر وانت ارحم الراحمين | | يا واد أقعد مانيش قاعد 21/4/2014, 6:42 am |
|
 " />
يا واد أقعد
مانيش قاعد
ويتقرب ويتواعد
وبيهدد ويتواعد
أنا عاوز
أنا هاخد
لكن أُمه
مفيش بايدها
ولاحدش فى يوم ساعد
ياواد أصبر
مانيش صابر
وبيعاند وبيكابر
دأنا مصرك
ياواد بتهد بنيانى
دانا كبيره
وكل الدُنيا عارفانى
ماليش غيرك
ياواد يا أهبل
دا أنا دمك ف شريانى
بقه ربك يقول أُمك
وتهدمنى
تحطمنى
تقول مسلم وأخوانى
يارب أشهد
أنا غضبانه من قلبى
ماهوش أبنى ويحرقنى
ولا أبنى اللى كان قبله بيسرقنى
ولا أبنى اللى بيشتت
ونفسه ف يوم
يقطعنى يفرقنى
ماهوش أبنى اللى يوم عاوز
ف نهر النيل يغرقنى
ماهوش ابنى
اللى يقتل يوم ف اولادى
ولاأبنى فى كل مكان يهزقنى
يقطعنى يمزقنى
ماهوش أبنى
ولا موته يأرقنى
أنا أمرى يارب أليك
تاخد لى م اللى ظالمنى
وأنا بدعى
وفوق خدى دموع النار
سنين يارب
وأنا بشرب ألم ومرار
وأنا بدعى وأقول يارب
أقوم تانى
ولاتشمتش فيَّه الجار
وأنا بدعى على عيالى
وأقول يارب
محبش حد من بعدى
يرد امين
أنا الام اللى
مهما يعملوا فيها
مسمحاهم
دا فلب الام
ولاعمره ف يوم يجحد
على عياله
ومهما يدوق
من الهم يقوم تانى
عشان ينشد ف مواله
لكن دينك حبيب أمك
ماهوش منظر
ولاملبس
صحيح الدين ف أفعاله
تعالى أرجع
ف حضن أُمك
ولايهمك
(تعايابنى)
نقوم تانى عشان نبنى
ولا أعاتبك
ولا عاوزاك تعاتبنى
نروح للنور ونسعى لُه
ونتقرب ما نتباعد
ونجرى ف حلمنا الواعد
===============
مستر/عطيه الخضرى |
|
