لما يقول الهرم
يبقى الكلام محترم
اصل الهرم دا اصيل
مبنى بعرق النيل
احجار قلوب ارواح
والمونه كات مواويل
وكات النجوم ف السما
تلالى كما القناديل
تتجمع وترسم لهم
وينفذوا الرسمه
بمحكم التنزيل
اصله شعب جميل
علشان كده عاشت
اهرامنا جيل ورا جيل
ميثاق بحب انبرم
لما يقول الهرم
يبقى الكلام محترم
لما تقول احجاره
وتنادى على افكاره
والحجر يمسك ف اخوه
وينده على جاره
اتحمل كتير المه
وسهده ومراره
كان الخوج صعب
والامل طال انتظاره
ولما فاض الكيل
طلعوا له ثواره
ينادوا احراره
ويغنوا اشعاره
نتجمعوا بقه
بعدنا طال انتظاره
راح نطردوا الغول
دارنا معدتش داره
دا ذلنا يامه
ياخى قل مقداره
اصل الشيطان زاره
وكان اللى بيحركه
طباله زماره
دا ذلنا كتير
وحرقنا من ناره
لازم هيتحاسب
على رغم اعذاره
والليل اللى فوق مصرنا
هنقطعوا ستاره
ونفرحوا امنا
ونرجعوا نهاره
ونفكوا اسر النيل
من بعد طول انحساره
والغول اللى كان كابس
راح ينضرب بالصرم
لما يقول الهرم
يبقى الكلام محترم
اخلاقنا مش بلطجه
دا البلطجه عيبه
وف ملعب الاخلاق
كلنا لعيبه
وف ملتقى العشاق
كلنا حبيبه
نكتب ديوان العشق
ما كلنا كتيبه
نسكت عن البلطجه
تبقى الحياه سيبه
نتفرقوا عن بعضنا
تبقى دى هى المصيبه
وكوز المحبه ينخرم
لما يقول الهرم
يبقى الكلام محترم

[center]

لا أجد غير كلمة واحدة ( مبــــــدع )
بالتوفيق دائماً وإن شاء الله قريباً تكتب عن مصر الحديثة برئيسها الجديد وبعد معاقبة الفرعون وأعوانه .