انت فكرت انك دخلت قريش ليه
هو انت لقيت ابو لهب وابو جهل ولا ايه
شكرا على طرحك الجيد للموضوع
ونظرتك الثاقبه

موضوع ممتاز وفكر ثاقب وعبر عن ما بدخلنا فعلا
شكرا على هذا المجهود العظيم
شكرا للمنتدى الذي عرفنا على حقيقة شباب شباس عمير وفكرهم المتنور
مش شكل مافاكرهم العضو والحاشية بتاعته
انهم بهايم مسحبويين بروايس
وللاسف الشديد كنت واحد منهم وعندما اكتشفت الحقيقة المرة فعلا كنا بهائم مسحوبين بدون تفكير
لان الحاشيه والعضو مهرة في الغاء تفكير من يتبعهم
واحدى عبارتهم كما قال الاستاذ خالد دا عدو ضد مصلحة البلد فاتخذوه عدوا على نبرة قريش وشكرا

كلام جميل وكلام معقول مقدرش أقول حاجه عنه.وذكرنى بالفيلسوف سقراط عندما كان يمشى فى طرقات أثينا (طبعا مكانش فيها مجارى ضاربه)ويسأل الناس كيف نجعل من أثينا مدينه فاضله وكانت كل الإجابات مختلفه فهذا يريد إنارة البلد وهذا يريد إنشاء مدارس ...........إلى أن أن أجابه واحد (أن نظل نتساءل كيف نجعل من أثينا مدينه فاضله )عند ذلك قال سقراط نعم ..وإلى الأخ عز العرب حلو تعبير بهايم بروايس تعبير بسيط ومعانيه عايزه دكتور بيطرى (وأنا فى الخدمه)وشكرا لهذه الأفكار الجميله

هههههههههههههههههههههههههه شكرا يا دكتور تري انا بحبك جدا وانت عرفني جدا

صباح الفل أنا قلت أنغشك بس

صبا ح العسل يا باشا

اولا انا ابشكرك على الطرح المميز يا خالد
وبشكر كل الاخوه اللى ردو على الموضوع
ثانيا انا اول واحد من عائله ابوووووو يرد على الموضوع
وانا بايدك فى الفكره اللى انت متبنيها فى موضوعك
وتعصب بعض الاعضاء للباطل دون ادنى وعى
وياسلام علينا لوكل متعصب واجهناه بالعقل والحجه
لا بالتعصب والنفور اكيد نقدر نغير كتيييييييييييييييييير
وبالنسبه لموضوع المجارى فلنا الله واى واحد فى البلد
شايف الوضع تقريبا بيقولو هيقلبو البلد مصيف
وانا هحاول انزل بعض الصور للبحار اللى موجوده فى البلد بسبب المجارى
ومره تانيه بحب اشكرك يا خالد على طرح الموضوع

لسه في بحار في البلد اومال مجاري اييييييييييييه

حسبي الله ونعم الوكيل حسبي الله ونعم الوكيل حسبي الله ونعم الوكيل

أظن لو احنا عملنا كده .. كل عضو مجلس شعب هيترشح وهو عارف ان له محاكمه فى نهايه دورته

دا لو عضو مجلس الشعب ظل من ابناء شباس عمير

وكل سنه وانتو طيبين

م. خالد
دعواتى لك بالتوفيق
أولا : إستكمالا للفكرة المطروحة وتأييدا لها و بناءً على أن صوت الهمجية و أصحاب المصالح الشخصية هو الصوت الأعلى و المسموع
ففى إعتقادى الشخصى أن الفكرة ستقابل بالهجوم الشرس بمجرد سماع الإسم ( محاكمة عضو مجلس الشعب ) و ذلك لإعتقاد أصحاب المصالح إنه لا يجوز محاكمة من هو ولى النعم بالنسبة لهم .
لذا ممكن نسميها على سبيل المثال لا الحصر ( مراجعة كشف حساب سيادة النائب ) أو ما إلى ذلك تجنباً للصدام و لفتح مجال للمناقشة و الحوار

ثانيا : و بناءاً على وجودك فى البلد و تعهدك الشخصى بتوصيل الفكرة و فكر المنتدى إلى كل بيت فى البلد
فيه سؤال خطر على بالى و هو :

هل لديك ترتيب معين لإدارة مثل هذا الحوار ؟؟؟؟؟؟؟؟
و خاصة أنه ها يكون مليان بالهمجية و مترصد له من بعض الأفراد اللى يهمهم الموضوع لا يكتمل و خاصة إنه ها يكون فيه إحراج لشخصيات معينة ؟؟؟؟؟؟؟؟؟؟؟؟؟؟؟؟؟

أرجو الرد على سؤالى لإمكانية إتاحة مجال للأفكار و إزاى ندير مثل هذا الحوار
و شكرا

اولا تحياتي لكل من ساهم بكلمة حق خالصة لوجه الله
وابتغاء في مصلحة البلد والصالح العام

بالنسبة للاستاذ خالد كاتب الموضوع جزاه الله خيرا
بدأ بداية طيبة وسرد موضوع ممتاز
ولكن ختمه بخاتمة مش ولابد

وبخصوص محاسبة العضو
فهيهات هيهات من أحلامكم
ونقول حسابه على الله

أما موضوع كشف الحساب
اللي بيطلبه محمود سعد
فماذا تقصد ؟
كشف حساب أراضي
أم كشف حساب البنك
أم كشف حساب عمارات وأملاك
أم
ماذا تقصد لأني مش فاهم
تحياتي

شكراً شباب القرية علي هذة الأفكار واللإقتراحات ولن اقول مجدية ولكن (العيار اللي ما يصبش يدوش)
كم من مرة وكم من يوم وسنة مرت وشباس عمير القرية التي ذكرت في كتاب الجبرتي لوصف مصر تغرق في الوعود والأحلام من أعضاء مجلس الشعب والحال كما هو الحال:-
1- شوارع اجارك الله
2 - نقص مياه الشرب
3- نقص مياة الري
4- خليط جديد من المياه بين المجاري ومياة الشرب
5- تضييع الفرص علي المتفوقيين في التعيين واعطائها لذوي المصالح والصيع اصحاب السيطرة في الإنتخابات
6-اهدار كرامة وتقليل قيمة واهانة كل من قال كلمة حق والإستهزاء بة
7-الي مالا نهاية 00000000000000
ولكن لكل من سولت له نفسة أن يفعل أو ان يتعاون في كل هذا الي كل من عشق حب الظلام فاحذر فللظلام نهاية وان كانت نهاية طويلة فنحن من زمنِ ننتظر أو أن يأتي من قلب الظلام النور الذي سيقلب كل موازين عاشقي الظلام000وشكراً

كل اللي بيحصل لية فين العيب مين المقصر
صدقوني احنا في منظومة صغيرة محاكية للمنظومة الكبيرة اكيد كله فاهم
لو الدور ده عدة بدون نتيجة ونفس اللي فات حصل تاني يبقي العيب فينا احنا
عرفنا فين الغلط يبقي لازم نصحح ولو بأقل الإمكانيات ولو بكلمة لأننا لو نجحنا في تغيير منظومتنا الصغيرة شباس يبقي اكيد ممكن المنظومة الكبيرة تتغير يعني اعتقد ان 85% علي الأقل عايزين يغيرو بس الخوف ؟ صح بس جرب ولا خاييف من البلطجية والصيع صدقني هو اجبن مما تتخيل وبردك عايزك تتخيل ان لو كل اعضاء المنظومة الكبيرة ال420او اكتر ذي اعضاء منظومتنا فاعتقد ان اللي وصلنالوة حالياً نتيجة طبيعية جداً
وعندي سؤال من الوجود علي الساحة يصلح لأن يمثل دائرة قلين البرلمان؟
ابسطهالك :
راسب ثانوي خمس سنين
حاج ولم يحج
اهبل
وغيرة

معك كل الحق يا ابو حميد
يا جماعه لا يصح الا الصحيح
ما ينفعش اننا نشتم حد او نقول عليه اى لفظ مشين
احنا بنتتقد الافعال وليس الاشخاص
بنتتقد وضع غلط فى البلد
وعاوزين نغيره للاحسن
وليس هدفنا العيب فى احد كل واحد من حقه يترشح
واحنا من حقنا نختار
بس من غير ما نعيب فى حد
ممكن اى حد من الشباب اللى بيتكلم دلوقتى يكون فى يوم من الايام مرشح
وناس تقول عليه كده برده
هل هيقبلها على نفسه
اعتقد لا
ارجو من الجميع عدم اتيان بالفاظ خارجه او العيب فى احد
لان هذا ليس هدف المنتدى
واشكر لكم سعة صدركم

من أحد أفراد قبيلة قريش
فرع عائلة أبووووووووووو
الى خالد باشا

&&&&&&

الموضوع ده فى الجوووووووووول


.......

اعتقد انانا و انت اتقابلنا فى بيتزا الخولى بتاع كفر الشيخ ....... صح ؟

قـــــــــشــــــــــــطــــــــة

مع احترامى الشديد لكل الافكار والاراء حول موضوع التغيير والاصلاح فى البلد ييعنى مش عارف ليه احنا ليه رابطين اصلاح البلد بوجود عضو مجلس الشعب مع اننا جربنا وجوده وشفنا النتايج وبالنسبة لفكرة المناظرة او المحاسبة اعتقد ان ده فعلا موضوع صعب الالتزام بيه من قبل المرشحين يعنى مثلا لو فيه عضو عرض البرنامج بتاعة واعتقد ان مفيش ولا ومرشح من الاربعة عنده برنامج اساسا واترفض او تم الاجماع على عدم انتخابه نضمن بنسبة كام انه يلتزم اظن الاجابة معروفه ولكن انا موافق جدا عالفكرة اهى خطوة كويسه وبرده هتبين للناس حقيقة كل واحد ولكن(ان الله لايغير ما بقوم حتى يغيروا ما بانفسهم) لو عاوزين فعلا نغير لازم نبدا بنفسنا الاول الدكتور صلاح عطيه فى قرية( تفهنا الاشراف) عملها جامعة تفهنا الاشراف من الجهود الزاتيه للبلد ومن خلال جمعية تنمية المجتمع المحلى على فكرة الجمعية دى موجوده فى البلد بدون اى دور الراجل اشتغل من خلال توحيد فكر البلد فعلا للخير وللصالح وان كل واحد لازم يبقاله دور على حسب امكانياته مش لازم يكون مسئول او عضومجلس شعب او محلى دى فكرتى وراى المتواضع اننا نتجمع على فكر واحد للتغير من داخل البلد ومن خلال الناس وكل واحد يعمل اللى فى استطاعته وان الله لا يكلف نفسا الا وسعها وان شاء الله بادرة خير فكر الشباب الموجود فى المنتدى انحنى تقديرا واحتراما لكل الافكار وتقبلوا مرورى وفى الاخر لازم نقول ؟؟؟؟؟؟ كمل يا ابو اكرم

قــــــــــــــــشـــــــــــــطــــــــــــــة

]b]im so sory idont meen that[/b]

كمال عبد الله سمك كتب:

ولماذا يتم توزيع مبالغ على الأفراد قبل الإنتخابات
والمبالغ التي صرفت لقرارات العالج وهو آخذ 13مليون جنيه
وليس هذا إتهام لكن اسمه ذكر ضمن نواب القرارات
لماذا لم يتم تعديل المستشفى بجزء من هذه المبالغ
ويتم محسابه العاملين
أم هناك مصالح شخيصه مقدمه على المصالح العامه
ويخرج أصحاب هذه المصالح ويصدعو رؤسنا بالإنجازات الوهميه
أنا أقول صوتك شهاده أمام الله على أن هذا يصلح أم غيره
ولماذا نحن لم نجرب التغير لعله أن يكون فيه خبر
ولاعلى حد قولهم إلى نعرفه أحسن من إلى منعرفوش
وهذه مصيبه البلد
ولكم جميعاً تحياتي

اشكرك استاذ عبدالله ولكن احب ان اقول شئ اعلم عنه كل شئ بالنسبة لموضوع الاموال فموضوع الاموال يتم توزيعها منذ اكثر من حوالى 3 سنوات لان هذا النائب قد اتى بها عن طريق الشئون الاجتماعية وهذا النائب لايمسك مليما واحدا فى يده بل يقوم موظف من كفرالشيخ بتوزيع هذه الاموال هو والاستاذ على عزت الشامى ويتم توزيع هذه الاموال على غير القادرين اما بالنسبة لموضوع قرارات العلاج فهو لم يتهم باخذ اموال من هذه القرارات فهو كان معدى نسبة مركزه فى هذه القرارات وكله لصلح الناس ليس لصالحه فالاعضاء الذين ثبتت عليهم انهم اخذوا اموال من هذه القرارت ليس منهم بدليل ان امن الدولة نزلت وسالت عن القرارت ووجدت كل القرارت التى قام بها مظبوطة اما فهذه شهادة حق والساكت عن الحق شيطان اخرس .. وارجو ان تتقبل مرورى وشكرا فالساكت عن الحق شيطان اخرس

والرابط ده خاص بموضوع قرارات العلاج

http://www.as7apcool.com/vb/showthread.php?t=494712

الاخ العزيز احمد اراك قد انحدرت فى فهوة الدفاع عن العضو
وانت من قال ان هدف المنتدى ليس لمصلحة احد او ضد احد
وانت من تنادى بذلك فأرجوك ان تراعى ذلك
اما من ناحية الساكت عن الحق
فهناك حقائق كثيره مسكوت عنها ولو فتحنا الباب للكلام فيها صدقنى ان هناك اشخاص
ممكن ان تنطبق عليهم تهمة الخيانة العظمى ويستحقون حكم الاعدام جوعا وعطشا ومرضا
ارجو من كل الاعضاء الالتزام بقوانين المنتدى فهدف المنتدى لمصلحة شباس عمير فقط
وليس للدفاع او الهجوم علىاشخاص بعينهم

تمام هدف المنتدى هو التعارف والتواصل ولكن هناك حقائق اعرفها اخى محمد وحقائق لااعرفها فقد قلت ما اعرفه فقط ولكن لم ادافع عن احد

اعلم تماما حبيبى ان هذا مقصدك
ولكن لانى احبك فى الله
وان تعلم غلاك عندى لذلك حبيت اوضح لك الصوره
حتى لا يفهم احد كلامك بطريقه اخرى
اكيد ان تعلم مدى حبى واحترامى لك

اكيد محمد وكلامك مظبوط محمد ودائما يكون عنواننا الاخوة والمحبة الخالصة لله تعالى ان شاء الله.

بداية سلامى لكل اعضاء المنتدى وتحياتى للجميع يا جماعة انا شايف اننا لازم نطلع من النقاش ده بفايده يعنى ميبقاش الموضوع عباره عن دعاية مع او ضد عضو معين يعنى تجديدا لفكرة الاستاذ محمود ابو بكر اننا نحاول نشوف بلدنا محتاجة ايه فى الفترة اللى جايه ويبقى الرد فى نقاط محدده بحيث اننا فى النهايه نوصل اننا محتاجين ايه فى البلد وبناء عليه يتعمل مناقشه علنيه مع كل الاعضاء وكل واحد يحدد مقدرته وامكانياته لتحقيق هذه المتطلبات يبقى احنا بالشكل ده ممكن نوصل لحاجه ميبقاش الموضوع اننا بس بنكلم نفسينا وفلان يشتم وفلان يرد عليه فى الاخر احنا اللى هنزعل من بعض لازم الكل يبقى متفق فعلا على تحقيق المصلحة للبلد ميبقاش الموضوع مجرد دعايه مع او ضد اى عضو من الاعضاء فياريت كل واحد يحاول يشوف من وجهة نظره ايه اللى البلد محتاجاه ويحدد كلامه فى نقاط معينه يعنى مثلا احنا محتاجين فى المقام الاول ---------

1- تشغيل المستشفى
2- نشرب ميه نظيفه
3- موقف محترم وادمى للعربيات
4- ميه الرى للاراضى اللى بارت فى البلد
يعنى ده على سبيل المثال وليس الحصر وده دور الشباب اللى موجودين فى البلد انهم يقفوا جميعا وراء مصلحة البلد وليس وراء اى عضو من الاعضاء بالشكل ده ممكن نوصل لنتيجه ونحقق هدف المنتدى واللى هو مصلحة شباس فى المقام الاول
وبرغم كل شىء لازم نهدى الامور وفى الاخر نقول كمل يا كينج

اعلم يا احمد انك لست مدافعا
لانك راس حربه ممتاز بشهادة الجميع
هههههههههههههه

مزحه بس لتلطيف الجو

ومحمد بيقول كلام جميل ومفيد جدا
ياريت نتكاتف من اجل المصلحه العامه

تشكر يا عريس واذا كنا هنلطف الجو يبقى لازم نقول
قـــــــــــشـــــــــــطــــــــــة

الله يخليك يا محمد وربنا يولى من يصلح ويصلح حال قريتنا التى عانت كثيرا

شكرا لكم جميعا على هذا الحوار الهادف
ولابد من تاكيد الاخوة والمحبة بيننا
ولكن يا استاذ احمد لا دخلت على الرابط 135مليون جنية مش كتير
دا يعالج العاشين والميتين من سنة خمسين وعجبي :وردة:

تصحيح غلط في مليون ماهو مباقلوش قيمة ياحمد يا بقوش :- المبلغ 134000000

بسم الله الرحمن الرحيم
السلام عليكم ورحمة الله وبركاتة
يا أحسن ناس يا شباب شباس عمير والله انا عندي سؤال

طلع يادارك الخوف وعرفنا الحقيقة كلها

اولا انا بشكر كل الاعضاء والاخوه الكرام على
الاراء والاقتراحات والافكار الرائعه بس انا عايز
اوضح توضيح صغير اننا كلنا بنتكلم فى حاجه
محدده وهى الحاجات الغلط اللى فى البلد
مجارى _رصف_مستشفى_مياه شرب)
وظايف_مصالح خاصه_قرارات_خدمات عامه)
وغيره
بس مبنتكلمش عن الحل والمفروض نعمل
ولا قدمنا اقتراح واحد علشان الحل يعنى بنوضح
العيوب ونسيب الحلول
طيب مش هنقف مع العضو طيب نقف مع المرشح التانى اللى
منعرفش عنه اكتر من انه بيشتغل فى الاداره العامه فى مصر
ولا نعرف هوه عايز ايه ولا مشروعه الانتخابى ايه
ولا منقفش مع حد من البلد ونبقى من غير عضو ونريح دماغنا
وخلاص ولا نرشح حد ونقف وراه
واننا نحاسب العضو مين اللى هيحاسبه ويحاسبه ازاى
خلاص البلد كلها بقت عارفه الصح من الغلط بس يقولك انا يبقى عندى
عضو فى البلد احسن من مفيش بمعن اصح (ضل عضو ولا ضل حيطه)
يبقى المفروض تبقى كل اقتراحتنا هنعمل ايه
خلاص نسيب اللى فات على جنب
بس مننساهوش وبعتذر على الاطاله

كلام جميل جداااااااااااااااااااااا ابو انس